Mustafa Cemilev Ukrain Katolik Universitetniñ hayriye aqşamında

30 Oktâbr 2011

2011 senesi oktâbr 29 künü Qırımtatar halqı Meclisiniñ reisi  Mustafa Cemilev Ukrain Katolik Universitetine qoltutmaq maqsadında “InterContinental” ötelinde  ötkerilgen dörtünci hayriye tedbirinde nufuzlı musafir sıfatında iştirak etti.

Tedbirge bunıñ kibi de  Ukrain Rum-katolik kilsesiniñ başı Svâtoslav Şevçuk, arhiyepiskop Lübomir Guzar, Ukrainada Apostol nuntsiy, Papa Benedikt XVI temsilcisi  Tomas Edvard Gallikson, hayriye fondınıñ başı, cemaat Bogdan Gavrilişin (Kanada), belli kinorejisser ve stsenarist Kşiştof Zanussi (Poloniya), şahzade Mişel Svâtopolk-Çetvertinskiy (Litva), yazıcı Adrian Slivotskiy (AQŞ), “Ukraina 3000” fondı idaresiniñ başı Yekaterina Yuşçenko  ve  “Vіdkriy Ukraїnu” hayriye fondı nezaret keñeşiniñ reisi  Tereziya Yatsenük davet etildiler.

Meclis reisi M.Cemilev “Qırım inkişafı fondı” Lvovda Ukrain Katolik Universiteti studentiniñ bir semestr devamında oquvı içün adağan 12000 grn. hayriye yardımını  berdi.