Refat Çubarov «stalinobus» ya da «Ğalebe avtobusları» aktsiyası aqqında

27 Oktâbr 2011

” Cemiyette daima belli bir miqdarda hasta, aqıldan azğan ve yahşını yamandan ayırmağa bilmegen, amma bunı başqalarğa da taqıştırmağa tırışqan insanlar mevcut. İnsanlıqqa nefret beslegen ğayelerini tarqatqan bu kibi insanlarğa normal cemiyet  qanun ile belgilengen tibbiy ve ya da ceza çarelerini qullana.

Aqyar şeerindeki cemaat yerlerinde, şu cümleden naqliye vastalarında  Stalinniñ resimini qoymaq ÖBSE Parlament Assambleyası tarafından natsizm rejiminen bir sırada qaralanğan totalitar Stalin rejimini açıqtan-açıq aqlamaq areketi, dep bilmek mümkün.

Lâkin men içün müimi Stalin portretine nisbeten Aqyar sakinleriniñ  seslenmesi. Çünki olarnıñ bir çoqları kendilerini rus milletine mensüp, dep saya ve rus halqınıñ tarihını ürmet etmege çağıralar.  Ola bilir ki (Böyle tahmin etkenim içün bağışlañız) olarnıñ bir çoqları Ukraina ve Qırım başından keçirgen Açlıq ve qırımtatar halqınıñ sürgünligi, bundan da ğayrı öz tarihından marum etilgen rus halqınıñ da  faciasını añlap olamaydırlar.

Desene, olar  qızıl terror, pravoslav dindarlarnı ve rus kazakları, köylülerini yoq etüv akiyaları, qurban olğan millionlarnen rus adamlarını unutıp olurlar.

Men belli olmağan rum şairiniñ şu fikiri Aqyar sakinlerine ait olmağanına inanmaq ister edim: “Tañrınıñ qahrine oğrağan insannıñ Rabbi aqlını ala, yaptıqlarını añlamaması içün miyini bura.

 Aks alda, hatıralarına hiyanetlik etip nasıl ve ne içün yaşaycaqlar?” – dedi  Den” gazetasınıñ sualine cevap berir eken,  Bütündünya qırımtatarlar kongressiniñ prezidenti, Qırım Yuqarı Şurasınıñ deputatı Refat ÇUBAROV “.

 Maqaleniñ tolu metinini “Den” gazetasınıñ saifesinde oqumaq mümkün.