Qırımtatar teatrinde Cengiz Dağcınıñ hatıra aqşamı ötkerilecek

27 Sentâbr 2011

2011 senesi sentâbr 28 künü saat 17.00-de Qırımtatar akademik muzıkalı-drama teatrinde sentâbr 22-de Londra şeerinde vefat etken meşur qırımtatar yazıcısı Cengiz Dağcınıñ hatıra aqşamı ötkerilecek. Bu aqta “Emel” mecmuasınıñ muarriri Zafer Qaratay haber etti.

Dünyaca belli romancı yazıcınıñ hatıra aqşamında Qırımtatar halqı Meclisiniñ reisi, Ukraina halq deputatı Mustafa Cemilev, Meclis azaları, Cengiz Dağcınıñ soy-aqrabaları, dost-arqadaşları, yazıcılar, ocalar ve cemaat erbapları iştirak etecekler.
Programma devamında Türkiyeniñ TRT televizion kanalınıñ jurnalisti Zafer Qarataynıñ “Cengiz Dağcı” vesiqalı filmi numayış etilecek.