Meclis reisi Mustafa Cemilev Büyük Cuma-Cami leyhaları sergisini ziyaret etti

13 Sentâbr 2011

Büyük Cuma cami qurucılığı içün leyhalar eskizlerinden tertip etilgen sergini Meclis reisi Mustafa Cemilev ziyaret etti. Cemaatnıñ diqqatına Qırım, Qazahistan, Türkiyeden 11 mimar tarafından yapılğan 14 eskiz taqdim etile. Eskizler Osmanlı, İran üslüplerinde becerilip, Orta Asiya alâmetlerini taşığan soyları da bar.

Meclisniñ reisi Meclis tışqı alâqalar bölüginiñ başı Ali Hamzin, Meclis kâtibiyetiniñ başı Zair Smedlâyev ve Türkiyeniñ Bursa şeeri qırımtatar medeniyet ve yardımlaşma derneginiñ başı Adnan Süyen ile beraber İvan Franko adına cumhuriyet ilmiy kitaphanesinde sentâbr 12-19 künleri çalışacaq sergini büyük meraq ile seyir ettiler.

Ekspozitsiyanı seyir etkenlerniñ er biri öz teessuratları, fikir-muluyaazalarını bildirip, begengen leyha içün rey bere ve mahsus sorav suallerine cevap bere bilir

Sergi saat 10-dan 17.00-ge qadar çalışa. Kiriş serbest.