Qırımtatar halqı Meclisiniñ Litvadaki vekâletligi Halqara forumğa azırlıqnı muzakere ete

19 Avgust 2011

2011 senesi avgust 19 künü Qırımtatar halqı Meclisiniñ Litvadaki temsilcisi, Litva tatarları cemiyetleri birliginiñ reisi d-r Adas Yakubauskas Litva tışqı işler naziri ve ÖBSE reisi Audronüs Ajubalis ile körüşti.

Körüşüv devamında taraflar Qırımtatar halqı Meclisi tarafından Qırımda qırımtatar halqınıñ öz Vatanında aq-uquqlarını ğayrıdan tiklev ve Ukrainada onıñ telükesizligi ve inkişafını temin etecek Halqara forumnı azırlav ve keçirüv meselesini muzakere ettiler.

Köterilgen mesele çerçivesinde taraflar ÖBSE reisi Audronüs Ajubalis ve Qırımtatar halqı Meclisiniñ reisi Mustafa Cemilevnen körüşmek ihtimalını da muzakere ettiler. Nazir forumğa azırlıq ketişatı, şu cümleden böyle müim tedbirniñ keçirilüv vaqtını kün evelden kelişilmesi aqqında malümat bermelerini rica etti.