Qırımtatar halqı Meclisiniñ ofisinde Meclis reisi Mustafa Cemilev ve “Turkish Airlines” Aviakompaniyası

14 Mart 2011

2011 senesi iyül 14 künü Qırımtatar halqı Meclisiniñ ofisinde Meclis reisi Mustafa Cemilev ve “Turkish Airlines” Aviakompaniyası Qırım temsilciliginiñ yañı direktorı Serhat Filnıñ iş körüşüvi olıp keçti.

Körüşüvde “Turkish Airlines” aviakompaniyasınıñ Qırımda marketing boyunca vekili Timur Abibullayev da iştirak etti. Subetdeşler Avropa, Asiya, Şimaliy Afrika ve Yaqın Şarq devletlerinde eñ büyük aviakompaniyalardan biri olğan “Turkish Airlines” Qırım temsilciliginiñ faaliyetini muzakere ettiler.

Serhat Fil “Türk ava yolları” tarafından yapılğan uçuvlarnıñ işançlı ve telükesiz olğanından bir çoq devlet grajdanlarınıñ itibarını qazanğanını ayrıca qayd etti..

Öz nevbetinde Qırımtatar halqı Meclisiniñ reisi Mustafa Cemilev şunı qayd etti ki, “Türk ava yolları”nıñ Ukraina ve Qırımda temsilciligi olğanı Türkiye ve Ukraina arasındaki munasebetlerde büyük emiyetke maliktir. Mustafa Cemilev aviakompaniya hadimlerini aktiv ve operativ işleri içün teşekkür bildirip, Türk ava yollarınıñ Qırımdaki temsilcilerine ise başarılar tiledi.

Malümat içün:

Türk ava yolları kompaniyası milliy ava alâqalarını teminlemek maqsadınen 1933 senesi meydanğa ketirildi. Bugünde-bugün Türk ava yolları kompaniyasınıñ 175 uçağı olıp, olardan eñ çoqusı Airbus i Boeing firmalarınıñ uçuv apparatlarıdır.

Aviakompaniyanıñ Qırımdaki temsilciligi 1999 senesi açıldı.

Ofisi Simferopol şeeri, Sevastopolskaya soqağı, 4-nci evde yerleşe.