Qırımtatar halqı Meclisiniñ reisi Mustafa Cemilevniñ Ukrainadaki Almaniya Elçiliginiñ birinci kâtibi Tanâ Bayyer ile körüşüvi

15 Mayıs 2011

2011 senesi iyün 15 künü Kiyevde Qırımtatar halqı Meclisiniñ reisi, Ukraina halq deputatı Mustafa Cemilev Ukrainadaki Almaniya Elçiliginiñ birinci kâtibi Tanâ Bayyer ile körüşti

Körüşüv devamında taraflar Qırımtatar halqı Meclisi delegatsiyasınıñ 2011 senesi iyün 27-28 künleri Şarqiy Avropağa yardımlaşuv birligi tarafından teşkilâtlandırılğan “Qırımtatar-alman dialogı” tedbirinde iştirak etmek içün Almaniyağa yapacaq ziyaretini muzakere ettiler.

Meclis reisi ve alman diplomatı subetiniñ diger mevzuları arasında qırımtatar halqınıñ qaytuvı ve yerleşüvi, Meclisniñ Ukraina em de Qırım Muhtar Cumhuriyeti ükümet organları ile munasebetlerinen bağlı meseleler de baqıldı. Bunıñ kibi de Göte Ukrainada – İnstitut fondı qoltutuvı ile kerçekleşecek gumanitar programmalar hususında söz yürsetildi.