Menu 
Qırımtatarlar: Barışıqlıq ve adalet yolunda
08 Iyün 2011
Brüssel, 2011 senesi iyün 6 – SSSR dağılğandan 20 yıl soñra da Qırım (Ukraina) stalin cinayetleriniñ aqibetleri tesiri altındadır. Bundan aman-aman 70 yıl evelsi sovet cellâtı İosif Stalinniñ emirine binaen 200 binden ziyade qırımtatarı Ukrainadan Orta Asiyağa sürgün etildi. Vatanlarına qaytqan qırımtatarlar öz aq-uquqlarını alâ daa tiklep olamadılar. Lâkin böyle adaletsizlikni Ukraina Prezidenti körmey, o, Qırımnı maalliy öz-özüni idare etüv organlarını islâh etüvde digerlerine ibret olaraq köstermekte.
Ukrainada bugünde-bugün üküm sürgen siyasiy vaziyet qırımtatarlarnı demokratik uquqlarından mahrum eterek, olarnıñ alını beterleştire. Soñki vaqıtta kütleviy matbuat vastalarınıñ qarama-qarışıq haberleri milliy mensüplik boyunca aqsımlavnıñ yañı usullarını açqanlarında, qırımtatarlarnıñ uquqları bozulğanı aqqında söylemek ğayet müimdir.
Şu munasebetnen 2011 senesi iyün 28 künü saat 9-dan 11.30-ğa qadar Avropa Parlamentiniñ Brüsseldeki binasında Avropa Parlamentiniñ deputatı Leonidas Donskis Taqdim etilmegen halqlar teşkilâtınen birlikte “Qırımtatarlar: barışıqlıq ve adalet yolunda” mevzusında tögerek masa subetini teşkil etecek. Avropa akimiyet vekilleri, halqara teşkilâtlar, alimler, bağımsız teşkilâtlar ve kütleviy matbuat vastaları iştirakinde ötkerilecek tögerek masa subeti qırımtatar meselesiniñ muzakeresini başlaycaq. Bundan da ğayrı Qırımtatarlarnıñ problemleri boyunca kelecek halqara forumğa esas qoyulıp, zemaneviy alemde stalince cinayetlerniñ devamiyligi bozuluvınıñ sebepçisi olur.
Ekspertler qırımtatarlarnıñ vaziyeti, sovet sürgünligi ve yurtuna qaytıp kelgen qırımtatarlar rastkelgen zorluqlar aqqında ikâye etecekler. Soñra munaqaşa er kesniñ diqqatını keçmişte yol berilgen adaletsizlikniñ aqibetlerini yoq etüv yollarına celp eter.
