İçki rayonında 19 yaşında qızğa qarşı yapılğan cinayet islâmcılar tarafından yapılğanı kibi emiş-demişler provokatsiyadır”, – M.Cemilev

27 Dekabr 2011

Milliy Meclis reisi, Ukraina halq deputatı Mustafa Cemilev, bir sıra QİVnıñ versiyaları boyunca İçki rayonında 19 yaşında qızğa qarşı yapılğan cinayet şariat qanunları boyunca yapılğanı kibi malümatnı tefsir eterek, provokatsiya dep saya. Çünki qatilniñ islâmğa iç bir munasebeti yoqtır.

“Babanıñ sözlerini diñlerek qoranta dinsiz olğanını ayta bilmek mümkün, çünki olar iç bir vaqıt camige bile barmağanlar. Babası resmiy şekilde qırımtatardır, amma vahhabizm mında aslı da yoq! Men bellesem, bu provokatsiyadır”, – TSN.uage tefsir eterek dedi Cemilev

Mustafa Cemilev bildirgeni kibi, İçki regional meclisiniñ vekilleri balanıñ babası ile militsiyağa bardılar. Vesveselenilgen bala aqiqaten 16 yaşındaki Bilâl Gaziyevdir. Ölgen qıznen olar beraber oquğanlar. Militsiyada balanıñ şaatlığı bar ekeni dep sayıla. Amma Gaziyevge advokat yiberilgen soñ bala cinayet yapmağanını bildirdi. Babasına o böyle degen: “Militsiyada olğan aqaylar maña böyle aytacağımnı ayttılar… Men olarğa bir şey yapmağanımnı, qıznı evge tek ozğarğanım aqqında aytsam da, olar maña aksine aytacağımnı dediler”, – ikâye etti M. Cemilev

Milliy Meclis reisiniñ fikirince, balağa qarşı tek onda ölgen qıznıñ cep telefonı ve urbasında onıñ qanı olğan fakt oynay. Amma mında da yapılğan ekspertiza boyunca urbada tek balanıñ qanı bar edi.

Cemilevnıñ aytqanına köre, bu cinayet din esasında yapılğanı kibi QİV tarafından berilgen malümat – provokatsiyadır.