Tamır halqlarnıñ meseleleri ögrengen BMT Forumı

24 Dekabr 2011

Mayıs 16-27 künleri Nyü-York şeherinde Birleşken milletler teşkilâtınıñ (OON) tamır halqlarınıñ meselelerini ögrengen daimiy forumnıñ 10-ci sessiyası keçirilmekte

Birinci kün Forumnı tantanalı şekilde BMT niñ Baş kâtibi Pan Gi Muna öz hitabı ile açtı. Maruzada dünyadaki yaşağan tamır halqlarnıñ alları boyunca teren baa berildi ve tamır halqlar, milliy azlıqlarnıñ yaşağan devletlerinde aq-uquqlarını qorçalav ve meselelerini çezüv boyunca sualler baqıldı.

İştirakçiler arasında Milliy Meclis vekilleriniñ sırasına kirgen, Bütündünya qırımtatalar kongresiniñ Koordinatsion icra komitetiniñ azaları Abduraman Egiz ve Ayla Bakalı da iştirak etmekteler.

Meclis azası Abduraman Egiz, Forum iştirakçilerine hitap eterek, ХХ asırda SSSR totalitar rejimi neticesinde qurban olğan qırımtatar halqınıñ facialı taqdiri aqqında ikâye etti. Çıqış ketişatında Egiz halqara cemiyeti qırımtatar halqı Vatanına qaytuvında, onıñ medeniyeti, tarihiy mirası, milliy tasil sistemasını canlandırmaqta, ukrain toplulığında adaptatsiya etilmesinde büyük rol oynağanını qayd etti.

Meclis vekili A.Egiz Tamır halqlarnıñ meselelerini ögrengen Daimiy Forumnı Milliy Meclis tarafından teklif etilgen qırımtatar halqnıñ öz Vatanında aq-uquqlarını tiklengen ve Ukrainada onıñ havfsızlığı ve inkişafını garantiya etecek meseleler boyunca Halqara forumnıñ keçirüv aqqında teşebbüsini baqıp çıqmağa çağırdı.

Tamır halqlarnıñ meselelerini ögrengen Daimiy Forumnıñ 10-ncı sessiyasınıñ işlev ketişatında Milliy Meclis vekilleri diger memleketlerden kelgen Forum iştirakçilerinen bir sıra körüşüvler keçirdiler. Körüşüvlerde esasen qırımtatar halqnıñ öz Vatanında aq-uquqlarını tiklenüvi ve Ukrainada onıñ havfsızlığı ve inkişafını garantiya etilüvinen bağlı sualler muzakere etildi. Ayırı şekilde BMT strukturaları, Tamır halqlarnıñ meselelerini ögrengen Daimiy Forumnıñ vekilleri nasıl şekilde qırımtatarlar aqqında Halqara Forumında iştirak etecegi aqqında sualler baqıldı.

Spravka içün

Tamır halqlarnıñ meselelerini ögrengen Daimiy Forum 2000 senesi İqtisadiy ve İçtimaiy Keñeş teşebbüsinen peyda oldı. Onıñ erkânına 16 ekspert kire. 8 adam – akimiyet, qalğan 8 adam – tamır halqlar gruppaları tarafından saylana. Forum azaları 3 yılğa saylana ve mustaqil ekspert olaraq çalışalar.