Canköy meclisiniñ yetekçisi Rustem Ennan oldı

08 Dekabr 2011

8 mayıs künü Canköyde regional meclis reisiniñ saylavı boyunca konferentsiya ötkerildi.
Onda 17-aprelde gizli rey berüvnen saylanğan ve 27 yerli meclisni temsil etken 193 delegattan 159-ı iştirak etti.

Konferentsiyanı Milliy Meclis reisiniñ birinci muavini, yerli meclisler saylavını teşkil etüv boyunca Komissiyanıñ reisi Refat Çubarov alıp bardı. Tedbirde Meclis reisiniñ muavinleri Remzit İlyas, Ahtem Çiygoz, Meclis azaları Safure Kacametova, Ruslan Kurtseit, İslâm Halil da iştirak ettiler.

Regional meclts reisi vazifesine Enver Abduveliyev ve Ruslan Ennanovnıñ namzetleri kösterildi, muzakere etildi.

Rey berüv neticeleri seslendirilgen soñ, E.Abduveliyevge 57, R.Ennanğa 93 delegat qoltutqanı belli oldı (3 bülleten bozuq, dep tanıldı). Böyleliknen, Rustem bey Canköy regional meclisiniñ reisi olaraq tasdiqlandı.

Yerli meclis yetekçilerinden ibaret olğan regional mecliske yayeı reisniñ teklifi ile Ablâmit Abibula, Ablâtif Aciumer, Enver Qasım, Muzafer Kerim, Reşat Mefa, Seydamet Talip kirsetildiler.