Ali Hamzin ve Zair Smedlâyev Lüboş Veselı ile körüştiler

17 Sentâbr 2011

Mart 17 künü Milliy Meclis ofisinde Milliy Meclis azaları Ali Hamzin ve Zair Smedlâyev Ukrainadaki Çehiya Cumhuriyet elçihanesiniñ siyaset sualleri boyunca mesleatçısı Lüboş Veselı ile körüştiler.

Körüşüv devamında qırımtatar halqınıñ alı muzakere etiler eken, musafirni topraq meselesi boyunca birinci adımlar yapılması aqqında malümat ile tanıştırdılar. Ayırı şekilde qırımtatar halqınıñ aq-uquqları qorçalav ve yañıdan tiklemesi maqsadınen ötkerilecek Halqara Forumınıñ azırlanuvı boyunca sualler baqıldı.

Eki taraf Ukrainada Halqara Forumı başlamazdan evel Ukrainada olğan çetel devletlerniñ vekilleri ve halqara teşkilâtlarından ibaret olğan tögerek masanı ötkermek keregini bildirdiler. Bu tögerek masada Forumdan evel anda baqılacaq bir sıra suallerniñ muzakere etilmesine qararğa keldiler.

Şu künü körüşüv iştirakçileri Yaltinskaya, 22 soqağında qurulacaq Cuma Cami yerine barar eken, Ukrainadaki Çehiya Cumhuriyet elçihanesiniñ siyaset sualleri boyunca mesleatçısı seslenüv kitabında öz tileklerini yazıp qaldırdı ve hatıra içün fotoresim çıqardı.