«Nenkecan» qadınlar içün dergisiniñ taqdimnamesi

03 Sentâbr 2011

2011 senesi 3 mart künü Qırım mühendislik pedagogika üniverstetiniñ konferents –zalında türk dünyasında «Alem-i Nisvan» adlı ilk qadınlar dergisiniñ 105-yıllığına bağışlanğan ilmiy-ameliy konferentsiyası keçirildi.

Mezkür konferentsiyada ‘Nenkecan qadınlar klubu’ cemaat teşkilãtı tarafından latin urufatında neşir etilgen ‘Nenkecan’ qırımtatar qadın dergisiniñ taqdimi olıp keçti.

Konferentsıyasınıñ tantanalı qısmında QMPÜ-niñ rektorı Fevzi Yakubov, qırımtatar Meclis reisi Mustafa Cemilev, Bursa şeer başınıñ temsili Muhsin Özlükurt, Bursa şeeri qırımtatar derneginiñ yolbaşçısı Adnan Süyen, QMC milletler komitetniñ reisi Edem Dudakov, qırımtatar qadın-qızlar ligasınıñ reisi Safinar Cemileva, professor, filologiya ilimler doktorı İsmail kerimov, Rusiyeli kollektsıoner Nizami İbraimov, «Qırımda qadınlar liderligi» leyhasınıñ kordinatorı Zarema Hayredinova alğış sözleri ile çıqışta bulundılar.

Muarriyetini içtimaiy- publitsistik ve bediy dergisiniñ ilk sanı ile hayırlar eken, Meclis reisi Mustafa Cemilev böyle ayttı: «Biz latin urufatına keçmekniñ zarurlığı aqqında defalarğa sübetleşe, çeşit konferentsiyalar ve diger tedbirlerni keçirdik. «Nenkecan» derginiñ eyeti bu yolda ilk ameliy adımnı attılar.»

Konferentsiyada filologiya ilimler namzeti Leniyar Selimova, f.l.n. Gayana Yüksel, f.l.n.Fera Seferova, pedagogika ilimler namzeti Enise Abibullayeva, TMÜ qırımtatar edebiyat kafedrasınıñ ocası Gülnar Seitvaniyeva, QMPÜ-niñ qırımtatar ve türk edebiyatını kafedrasınıñ ocası Ablãziz Veliyevniñ, QMPÜ-niñ qırımtatar ve türk tilşınaslıq kafedrasınıñ ocası Milãra Settarova, QMPÜ-niñ qırımtatar ve türk edebiyatı kafedrasınıñ aspirantı Asan Muradasılovnıñ maruzaları diñlenildi.

Malümat içün:

«Nenkecan» dergisiniñ baş muarriri «Nenkecan» qadınlar klubu’nıñ reisi Zеra Bekirovadır.