Mustafa Cemilev Vitezslav Pivonko ile körüşti

21 Mart 2011

Fevral 21 künü Milliy Meclis ofisinde Ukraina halq deputatı, Milliy Meclis reisi Mustafa Cemilev Çehiya Cumhuriyetiniñ Ukrainadaki elçihane işleri boyunca zamanca müvekkili Vitezslav Pivonkonen körüşti.

Körüşüvde Milliy Meclis reisiniñ birinci muavini Refat Çubarov, Milliy Meclisniñ Tışqı alâqalar boyunca idareniñ başı Ali Hamzin ve Ukrainadaki Çehiya Cumhuriyeti elçihanesiniñ siyaset sualleri boyunca mesleatçısı Lüboş Veselı da iştirak ettiler.

Vitezslav Pivonko birinci vitse-premyer-naziriniñ, Çehiya Cumhuriyetiniñ tışqı işler naziri Karel Şvartsenberg adından Mustafa Cemilevge selâmlar yiberip, 2011 senesi Nobel mukâfatına namzeti qoyulğanınen hayırladı.

Subetler devamında çehiya vekili qırım akimiyeti ve Milliy Meclisniñ beraberlikte işlemesi neticesinde sürgün etilgenlerge mesken ev qurmaq içün topraq ayırılacağı belli olğanını pek müim bir iş dep qayd etti. Vitezslav Pivonka bildirgeni kibi, Yaltinskaya soqağı 22 Cuma Cami qurması boyunca problemlerniñ çezilmesi başlanğanı qırım cemiyetinde tolerantlıq ve biri-birini ürmet etüv kibi çizgileri peyda olması aqqında aytalar.

Eki taraf qırımtatar halqınıñ alı, onıñ aktual meseleleri ve çezüv yolları, qırımtatar halqı öz Vatanında aq-uquqlarını yañıdan tiklev boyunca Halqara Forumnıñ azırlanuv ve ötkerüvi aqqında fikirleştiler.