Safure Kacametova Qırım Yuqarı Şurasınıñ deputatı oldı

11 Noyabr 2011

Qırım Muhtar Cumhuriyetiniñ saylav komissiyası Safure Kacametovanı “Kurultay-Ruh” fraktsiyasından Qırım Yuqarı Şurasınıñ deputatı olaraq tasdiqladı. Böyle qararğa bugün yani yanvar 11 künü Qırım saylav komiteti da keldi.

Böylece, qarar boyunca “Maarifçi” Assatsiatsianıñ reisi, “Maarif işleri” gazeta ve “Tasil” mecmuasınıñ muarriri Safure Kacametova Qırım Yuqarı Şurasına öz işlerini toqtatqan Qırım Muhtar Cumhuriyeti Yuqarı Şurasınınıñ deputatı Aziz Abdullayev yerine çıqtı.

Şunı qayd etmelimiz ki, Aziz Abdullayev öz deputat yerini Qırım Baş naziriniñ muavini vazifesine keçmesi sebebinden qaldırdı.

QHA bergen malumat boyunca