VI Milliy Qurultay Teftiş komisyonı toplaşuvınıñ № 3 PROTOKOLI

VI Milliy Qurultay Teftiş komisyonı toplaşuvınıñ
№ 3 PROTOKOLI

Kasım (noyabr) 13, 2013 s. 

İştirak ettiler: VI Milliy Qurultay Teftiş komisyonıñ 7 azasından 6-sı (Ali bey Özenbaş, Emir-Asan bey Umerov, Aziz bey Reşitov, Talât bey Suleymanov, Refat bey Memetov, Remzi bey Muratov iştirak ettiler. Edem bey Dudakov mevcut degil edi) 
Toplaşuvnıñ reisi: Ali bey Özenbaş 
Toplaşuvnıñ kâtibi: Emir-Asan bey Umerov 

Muzakere etilecekmeseleler 

1. VI Milliy Qurultay Teftiş komisyonıñ 2-nci toplaşuvında qabul etilgen qararnı ömürge keçirmek maqsadınen Teftiş komisyon azalarınıñ regionlarğa barıp kelüv programmasını ve vaqıt cedvelini azırlav. 

2. Yerli meclislerniñ regional meclislernen munasebet şemasını azırlav. 

3. “Qırım”ve ‘Avdet’ gazetalarğaabune oluvtalımatını azırlamaq. 

4. VI Milliy Qurultay Teftiş komisyonıñ Jidkov soqağındaki ofisiniñ kerekli olıp-olmağanını qararğa bağlamaq. 

5. Çeşit meseleler. 

Muzakere etilecek birinci mesele boyunca: 

Sözge çıqtı: Ali bey Özenbaş. O, VI Milliy Qurultay Teftiş komisyonnıñ 2-nci toplaşuvında Teftiş komisyonnıñ işini teşkil etmek qararı qabul etilgenini hatırlatıp, bunıñ içün Teftiş komisyon azalarınıñ regionlarğa barıp kelüv programmasını ve vaqıt cedvelini azırlav qararını almaq kerekligini bildirdi. Bunıñ içün yerli ve regional meclisler reisleri ve azalarınıñ telefonlarını ve elektron poçtalarını toplamaq kerekligini söyledi. Bu iş ziyaretlerine Milliy Meclis azalarını celp etüvni teklif etti. 

Rey berildi: rey birliginen teklifler qabul körüldi. 

Qarar berildi: Teftiş komisyon azalarınıñ regionlarğa barıp kelüv programmasını ve vaqıt cedvelini azırlamaq. Yerli ve regional meclisler reisleri ve azalarınıñ telefonlarını ve elektron postalarını toplamaq, bu vazifeni Emir-Asan bey Umerovğa avale etmek. Teftiş komisyonıñ iş ziyaretlerine Milliy Meclis azalarını celp etmek. 

Muzakere etilecek ekinci mesele boyunca: 

Sözge çıqtı: Ali bey Özenbaş. O, yerli meclislerniñ regional meclislernen munasebet ve işbirlik şemasını azırlav qararını almaq teklif etti. Bu şema azırlanğanda «Öz özünı idare etken yerli Milliy kurumları aqqında nizamnamesinde» olğan 2.6, 2.15 ve 4.12 maddeleriniñ hayatqa keçirilmesini teminlemek kerek olğanını bildirdi, yani aşağıdakiler esapqa alınmalı: 

1. Yerli meclisniñ toplaşuvları ihtiyac olğanda keçirile, lâkin eñ azından eki ayda bir keçirilip olmaq kerekler. 

2. Yerli meclis er yıl özüniñ memuriy bölgesinde yaşağan saylavcılar ögünde öz faaliyetinden esabat bere. 

3. Regional meclisniñ reisi, eñ azından yılda bir kere, regional meclisniñ toplaşuvında esabat bere, regional konferansnıñ teklifinen işbu konferansta regional meclisniñ faaliyeti boyunca esabat maruzasınen çıqışta buluna. 

Rey berildi: rey birliginen teklifler qabul körüldi. 

Qarar berildi: Yerli meclislerniñ regional meclislernen munasebet ve işbirlik şemasını azırlamaq.

Muzakere etilecek üçünci mesele boyunca: 

Sözge çıqtı: Ali bey Özenbaş. O, “Qırım” gazetasına abune oluv talımatını azırlav ve “Avdet” gazetasına abune olmağa teşviq etüv qararını almaqnı teklif etti. 

Rey berildi: rey birliginen teklifler qabul körüldi. 

Qarar berildi: “Qırım” gazetasına abune oluv talımatını azırlamaq. “Avdet” gazetasına abune olmağa teşviq etmek ve oyle muracatnı tasdıklamak. 

Muzakere etilecek dörtünci mesele boyunca: 

Sözge çıqtı: Ali bey Özenbaş. O, VI Milliy Qurultay Teftiş komisyonıñ Jidkov soqağındaki ofisi bar olğanını, şimdi de onıñ Milliy Meclis tarafından almaq talabı kelgenini bildirdi. Teftiş komisyon içün ayrı bir ofisniñ kerekli olıp-olmağanını qararğa bağlamaq kerekligini bildirdi. 

Rey berildi: Teftiş komisyonıñ Jidkov soqağındaki ofisi kerek diye 5 aza rey berdi. 1 aza – Ali bey Özenbaş – bitaraf qaldı. 

Qarar berildi: Jidkov soqağındaki ofis Teftiş komisyonna ait qalsın ya da oña teñ aynı bir ofіs odası berilsin. 

Muzakere etilecek beşinci mesele boyunca: 

Sözge çıqtı: Talât bey Suleymanov. O, aşağıdıki fikirlerini bildirdi: 

1. VI Milliy Qurultay Teftiş komisyonıñ özüniñ iş yeri – ofisi ve bu ofiste lâzim tehnika donatuvı olmalı. 2. VI Milliy Qurultay Teftiş komisyonıñ toplaşuvlar cedveli tizilmeli. 

3. VI Milliy Qurultay Teftiş komisyonıñ azaları arasında vazife paylaşuvı yapılmalı. 4. VI Milliy Qurultay Teftiş komisyonıñ işiniñ planı belgilenmeli. 

5. VI Milliy Qurultay Teftiş komisyon içün ayrı bir naqliye vastası – avtomobil ayırılmalı. 6. VI Milliy Qurultay Teftiş komisyonıñ büceti olmalı. 

7. Milliy Meclisten onıñ faaliyetini belgilegen bütün resmiy vesiqalarnı, nizamnameler ve qararlarını talap etip almaq. 

8. Milliy Meclis toplaşuvlarınıñ protokollarını almaq. 

9. Milliy Meclis toplaşuvlarında alınğan qararlar aqqındaki malümatnı mahsus tutulğan kündelik defterge yazmaq. 

İşbu meseleler boyunca muzakereler alıp barıldı. VI Milliy Qurultay Teftiş komisyonıñ ofisi meselesi dörtünci maddede muzakere etilgeni içün qapatıldı. V Milliy Qurultay Teftiş komisyon içün orgtehnika ve avtomobil boyunca smetalar azırlanıp kösterilmesi kerek olğanı belgilendi. Aynı şekilde, VI Milliy Qurultay Teftiş komisyon toplaşuv cedveli tizilmesi, azaları arasında vazife paylaşuvı ve iş planınıñ belgilenmesi içün bularnıñ azırlanılıp çıqılması kerekligi ifade etildi. 

Milliy Meclis faaliyetine ait protokol ve vesiqalarnıñ onıñ resmiy saytında neşir etilgeninden sebep, olarnı talap etmek ve, Milliy Meclis tarafından maaliyeleştirilmesi lâzim Teftiş komisyonıñ bücetini tayinlemek kereksiz olğanı ifade etildi. Milliy Meclis toplaşuvlarınıñ kündelik defterini alıp baruv meselesi göñülli olaraq bu işni alıp barmağa istegen Teftiş komisyon azalırına qaldırıldı. 

Rey berildi: rey birliginen 1-5 ve 9 teklifler qabul körüldi. Rey birliginen 6-8 teklıfler qabul etilmedi. 

Qarar berildi: VI Milliy Qurultay Teftiş komisyon içün orgtehnika ve avtomobil boyunca smetalar azırlansın. VI Milliy Qurultay Teftiş komisyon toplaşuv cedveli tizilsin, azaları arasında vazife paylaşuvı ve iş planı belgilensin. Bu vazifeler Talât bey Suleymanovğa berilsin. Milliy Meclis toplaşuvlarınıñ kündelik defterini alıp baruv meselesi göñülli olaraq bu işni alıp barmağa istegen Teftiş komisyon azalırına qaldırılsın. 

Toplaşuvnıñ reisi: / Ali Özenbaş / ……… 
Toplaşuvnıñ kâtibi: / Emir-Asan Umerov / …….