Zelenskıy, Qırımnıñ memuriy tarzı aqqında qanun imzaladı

05 Sentâbr 2023

Ukraina Prezidenti Volodımır Zelenskıy, Qırımnıñ memuriy tarzı aqqında qanunğa deñişmelerni imzaladı.

Arman ayınıñ 23-ünde Ukraina Yuqarı Şurası, “Qırım Muhtar Cumhuriyetiniñ memuriy-topraq tarzınen bağlı ayrı meselelerni al etüvge dair Ukrainanıñ bazı qanun çıqarıcı aktlarına deñişmeler kirsetüv aqqında” qanunnı tasdıqladı, dep Qırım.Aqiqat haber berdi.

Qanun çıqarıcı aktnıñ maqsadı  – on senelik işğalden ve yarımadanıñ tecavuzcı bir devletniñ halq ögündeki idare sistemasına tolu integratsiyasından soñ Qıırmda Ukraina devlet akimiyeti organlarınıñ yañıdan teşkil olunması ve muntazam çalışması içün uquqiy temel yaratmaqtır.

Vesiqa aqqını qazanacaq soñ bir ay devamında Ukraina Nazirler Kabineti, Qırım MCniñ topraq cemaatlarınıñ topraqlarını tasdıq etmeli ve memuriy merkezlerini belgilemeli. Üç ay devamında ükümet, Yuqarı Şuranıñ “Tasil ve rayonlarnı yoq etüv aqqında” emrine mücibi, Qırımnıñ rayon devlet memuriyetlerini yañıdan idare etmeli ve teşkil etmeli.

Nazirler Kabineti, Qırımnıñ topraq cemaatlarınıñ topraqlarını esapqa alıp, YŞnıñ “Tasil ve rayonlarnı yoq etüv aqqında” qararına deñişmeler kirsetüv aqqında qarar leyhasını parlamentniñ baqılmasına yollamalı ve Qırım Muhtar Cumhuriyeti ve Aqyar şeerinde halq ögündeki akimiyetniñ yañıdan yaratılmasınıñ hususiyetleri aqqında qanun leyhasını Yuqarı Şuranıñ baılmasına yollamalı.

Bundan ğayrı, bu qanun esapqa alır ki, parlamentniñ 2016 senesi mayıs ayınıñ 12-sindeki №1352-VIII qararınen tasdıqlanğan QMCniñ bazı mesken yerleri ve rayonlarınıñ adlarını deñiştirilmesi, Qırım işğalden azat etilecek soñ degil, acelen yapılacaq.