Zair Smedlâyev: “Zanımca, kabaatlılarnı kene de tapmazlar ebet”

14 Avgust 2013

Avgust 14-ke keçer gecesi Aqmescitniñ Aqmeçit qasabasında Merkeziy rayonnıñ №9 maalle komiteti ve yerli mecliske ait vagonçıq yandı.

Ateş içinden iç bir şeyni qurtarmaqnıñ çaresi olmadı. Milliy Meclis Kâtibiyetiniñ başı bu vaziyetni böyle izaatladı: “Yaqqanları bes-belli. Bunı kim yapqanını tam söylep olamam, lâkin bu kene de regionda vaziyetni kerginleştirmek maqsadınen yapılğan fesattır. Bu adiseni soñki vaqıt ep çoqlaşqan allar yani qırımtatarlarğa qarşı iftiralar ve aqsımlayıcı yazılarnen bir sırağa qoymaq mümkün”.

Bunıñ kibi de o, büyük cami qurulacaq yerde qaravulğa nisbeten yapılğan tecavuz ve şu vagonçıqnıñ yaqılması – bir zıncırnıñ alqalarıdır.

“Qabaatlılar tapılır, dep iç ümüt etmeyim, çünki musulman mezarlıqlarında vahşiylik, Yaltinskaya 22-deki yanğınnıñ teşkilâtçıları ve icracıları öyle de tapılmadı.

Militsiya teller yanğan, bir qaç aydan berli yatqan sigara tütegen kibi bir oba manaçıq tapar Añlaşıla ki, bu yanğın mahsus yapılğan, qırılğan pencere de bunı isbat ete. Eger qabaatlılar kene de tapılmasa, demek bu provokatsiyalar uquqqoruv organlarınıñ razılığı ya da bivasta iştirakinde yapılmaqta”