Yarım yüz qırımtatar siyasiy mabüsine tibbiy yardım berilmez – Taşeva

17 Mart 2023

Şu anda epishanelerde bulunğan tahminen 50 qırımtatar siyasiy mabüsiniñ sağlığınen meseleleri bar, olardan çoqusına tibbiy yardım berilmez.

Ukraina Prezidentiniñ QMCdeki daimiy vekili Tamila Taşeva bunı bildirdi, dep Ukrinform haber berdi.

– Jenevre şartnamesine mücibi, tibbiy yardım bermeme – aqiqaten insan üzerinde azaplardır. Sağlığı yaramay olğan tahminen 50 böyle kişi bar bizde. Çoqusına tibbiy yardım berilmez. Bu siyasiy mabüsleriniñ büyük qısmı – qart kişilerdir, – dep qayd etti.

Taşeva bildirdi ki, rus epishanelerinde ölgen siyasiy mabüsler Konstântın Şırinh ve Cemil Ğafarovnı aqiqaten öldürdiler.

– Elbette bu – canavar munasebet, onı azaplarnen benzetmek mümkün. Pek yazıq ki, bu aqqında laf etemege qorqam, amma rus epishanelerinde bu soñ ölümler ve öldürmeler olmaya bilir. 

Kiçik aynıñ 10-unda Novoçerkask (rusiye) SİZOda qırımtatar siyasiy mabüsi Cemil Ğafarov öldi. O, “Qırımnıñ sakinleri olğan musulmanlarnıñ davası” sebebinden 13 senege maküm etildi. O, infakr yaşadı, qalp hastalığı, büyreklerniñ dilizine ihtiyacı bar edi.

Kiçik aynıñ 8-inde rfnıñ Orenburh vilâyetindeki müstemlekede vaqtınca işğal etilgen Qırımda qanunsız olaraq maküm etilgen Konstântın Şırinh öldi. O çoq kere tibbyi yardımğa çağıra edi, qalp ameliyatına ihtiyacı bar edi, amma o keçirilmedi.