Yalan ve çetin ümütsizlik – Cemilev özek telükesi ve rfdaki mobilizatsiya aqqında

22 Sentâbr 2022

Rusiyeniñ özek silâsını qullanma telükesi – mahsus olaraq tüşünilip çıqarılğan yalandır. Qırımtatar haqınıñ lideri Mustafa Cemilev QIRIM.Newske tefsir etkende fikrini bildirdi.

– Yañıdan yalan. Sen özek silâsını asla qullanmaycaqsıñ, çünki seni tenbiyelediler – bu tür ilk areket yapsañ, ilk öldürilirsiñ. Bayden oña bunı açıq aydın bir şekilde ayttı, – dep Cemilev qayd etti.

Qırımtatar lideri rfdaki mobilizatsiyanı çetin ümütsizlik adımı olaraq tanıdı. Onıñ fikrine köre, böylece ruslar asla becermeycekler. Rusiyeniñ bildirmeleri de sahte raqamlarğa esaslanalar.

– Bu, çetin ümütsizlik adımıdır. Kerçekten de olar bütün yerlerden mümkün olğan çoq adamnı toplay ediler, neticesi ise qabaatlandırılğan cinayetçilerni mobilizatsiya etmege tırışalar. Şimdi ise az-çoq resmiy olaraq bütün ihtiyatçılarnı da. Bu mobilizatsiya vastasınen olar muvafaqiyetli olmaycaq, daa çoq insan ayatını yoq etecekler, – dep Cemilev añlattı.