Vaqtınca işğal etilgen vilâyetlerden ukrainalılar içün Qırım bir apishane oldı — uquq qorçalayıcılar

12 Yanvar 2024

Cenüpten, ayrıca rus tecavuzınıñ başından Herson ve Zaporijjâ vilâyetleriniñ işğal astında bulunğan topraqlarından ukrainalılar içün Qırım büyük bir apishane oldı.

Felemenk Tış işleri nazirliginen “Ukraina. Saat beşte” Birleşmesiniñ işdeşligi çerçivesindeki tedbir vaqtında Qırım uquq qorçalayıcı gruppasınıñ idaresiniñ başı Olha Skrıpnık bunı bildirdi, dep Suspilne Qırım mühbiri haber berdi. 

İşğalcilerge qarşı numayışlar ve mitinglerden soñ ukrainalılarnı tuttılar, azapladılar ve endi 2022 senesi saban ayında Qırımğa ketirdiler. O vaqıttan berli Qırımda ruslar, apishanelerniñ sayısını arttıralar. Şu anda belli ki, işğalciler siyasiy ya da diniy sebeplerden sebepsiz 180 ukrainalı tutalar.

“Cenüpten vatandaşlarımız içün de Qırım büyük bir apishane oldı. Ve tamam kiçik aynıñ 24-ünden işğalciler yañı topraqlarnı, Herson ve Zaporijjâ vilâyetleriniñ topraqlarını işğal etken soñ olar içün de Qırım büyük bir apishane oldı. Birinciden tıncç yaşğan insanlarnı tuttılar, şiddetli şekilde azapladılar. Bazıları bu azaplamalarnı yaşamadı. Bundan soñ olarnı Qırımğa ketirdiler”, – dep Skrıpnık añlattı.

Qırım uquq qorçalayıcı gruppasınıñ bilgilerine köre, 2022 senesi saban ayında insanlarnı tutmağa başlağanlarını qayd ettiler. O zaman Aqmescitteki 1. SİZOğa cenüpten pek urulğan, qıyın alda, ne yerde olğanlarını añlayamağan insanlarnı ketirip tevqif etmege başladılar.