USQ ordusında beş imam bar

17 Oktâbr 2023

Ukraina Silâlı Quvetleriniñ ordusında başqa dinli kapelanlarnen omuz-omuzğa hızmet etken beş arbiy musulman imamı bar.

“Qırım global. Cenüp vastasınen Ukrainanı añlav.” konferentsiyasında Qırım Musulmanları Diniy İdaresiniñ müftisi Ayder Rustemov, bu aqqında haber berdi, dep Ukrinform bildirdi. Suspilne bu aqqında haber berdi.

“Şimdi USQ ordusında başqa dinli kapelanlarnen omuz-omuzğa hızmet etken ve bir-birine yardım etken beş arbiy musulman imamı bar. Kerçekten de olarnıñ sayısı daa büyük, amma olarnı vesiqalaştıruv meseleleri bar”, — dep ayttı o.

Rustemov qayd etti ki, çoq musulman USQ ordusına, topraq mudafaasına, silâ ellerine alıp, çoqusı qırıtatar halqınin vekilleri olğan USQdeki musulmanlarnıñ arbiy birleşmelerine qatıldı.

Aynı zamanda o qayd etti ki, Qırım işğal etilgen soñ işğalcilerniñ qırımtatarlarğa tesiriniñ küçü pek arttı, olarnıñ ayatları rus akimiyetiniñ total kontrolı astında buluna.

“Yüzlerce bala, ana-babasız qalır, qırımtatarlarnıñ evlerini er vaqıt tinteler, insanlar er vaqıt qorqaraq yaşaylar. Ve tek evlerini degil, camiler ve ibadethanelerni tinterler”, – dep Qırım Musulmanları Diniy İdaresiniñ müftisi qoştı.

Onıñ sözlerine köre, işğal etilgen Qırımdaki camilerde tecavuzcılar, video nezaret kameralarını qoyarlar, insanlarnıñ laflarınıñ sesini çıqarırlar, kütleviy tarzda vesiqaları teşlerirler, parmaq işaretlerini ve DNK mecburen alırlar.

Rustemov qayd etti ki, Qırımnıñ işğalinen rus-ukrain cenki başladı, bunıñ içün o, yarımada ve başqa Ukrainanın topraqlarınıñ işğalden azat etilmesinen bitmeli.