Uquq qorçalayıcılar: rfdaki slavan olmağan halqlarnıñ mobilizatsiyası – ola bilecek qarşılıqnı evelden yoq etmek ıntıluvı

07 Oktâbr 2022

Rfdaki qısmiy mobilizatsiyağa hususan slavan olmağan halqlar oğraşalar. Asiya Caravanserai mediasında tefsir bergende CrimeaSOSnıñ analitikacısı Yevheniy Yaroşenko bu aqqında haber berdi.

– Rusiye er vaqıt arbiy areketlerge rus olmağan halqlarnı faal olaraq çeke edi. Başqırtistan, Dağıstan ve Burât Ulusından [Rusiyeniñ eñ çoq slavan olmağan ealinen bölgeleri] mobilizatsiya etilgenlerniñ sayısına baqıñız, – dep Yevheniy Yaroşenko añlattı.

Sentâbr ayınıñ 21-inde rfnıñ başlağanı böyle degen “qısmiy” mobilizatsiya da istisna olmadı. İşğal etilgen yarımadanıñ bazı şeerlerinde ve köylerinde mobilizatsiya etilgen qırımtatalarnıñ sayısı 90%idir.

– Qaç adam Moskva ya da Peterburhtan mobilizatsiya etildi? Raqamlar er şeyni köstere. Rus olmağan halqlarnı [mobilizatsiya vastasınen] yoq eteler, – dep analitikacı qoştı.

Bu tür mobilizatsiya vastasınen rusiye slavan olmağan halqlarnıñ ola bilecek qarşılığını evelden yoq etmege tırışa. Bundan ğayrı, mobilizatsiya vastasınen rusiye qırımtatarlarnı işğal etilgen yarımadadan zornen çıqarmağa ıntıla. Misal içün bir meskün yerde 28 mobilizatsiya malünmatnamesinden 27-sini qırımtatarlarğa berildi.