Ukrainada qırımtatar tiliniñ inkişafı içün mukâfat kirsetecek

15 Mart 2024

Nazirler Kabineti, Ukrainada qırımtatar tiliniñ inkişafına qoşqan issesine mukâfat kirsetmege qarar berdi.

Er yıl 50 biñ grivnalıq 20 mukâfat berilecegi közde tutula.

ReNazirligi öz Telegram kanalında bu aqqında haber berdi.

Qırımtatar tili meseleleri milliy eyyetiniñ toplaşuvlarınıñ neticeleri esasında azırlanğan “Qırımtatar tiliniñ inkişafına qoşqan issesi içün Ukraina Nazirler şurasınıñ mukâfatı aqqında” qararı aqqında laf etemiz.

Mukâfat ve medal, Ukrainanıñ tamır halqınıñ tili olğan qırımtatar tiliniñ inkişafı ve populârlaştırmasına yardım etkenlerge berilecek.

“2022 senesi kiçik aynıñ 23-ünde Ükümet tarafından tasdıqlanğan 2022-2032 ss. qırımtatar tiliniñ inkişafı strategiyası çerçivesinde Devlet qavmiy siyaset ve vicdan azatlığı devlet hızmeti vesiqanı azırladı”, – dep Suspilne bildirdi.