Ukraina ve rusiye esirlerini deñiştirdiler

03 Yanvar 2024

Ukraina ve rusiye, altı ay devrinde birinci esirlerini deñiştirgenleri aqqında haber berdiler. Şu cümleden, Kıyiv bildirdi ki, 200den çoq asker ve tınç yaşağan insan qaytarıldı, dep Qırım.Aqiqat haber berdi. 

“Bizim insanlarımız evde. Rus esirliginde 200den çoq asker ve tınç yaşağan insan qaytarıldı. Askerler, serjantlar, sıñırcılar. Qorçalayıcılarnıñ qısmı Mariupol ve “Azovstal”nı qorçalay ediler, dep prezident Volodımır Zelenskıy Telegramda bildirdi.

Bundan soñ ekimler olarnı baqacaqlar, vesiqaları, kartlarını almağa ve reabilitatsiya keçmege yardım etecekler.

Esir etilgen askerlernen tutuv meseleleri idare ştabı qayd etti ki, bu deñişme, tolu miqyaslı tecavuzdan soñ eñ büyük deñişmedir.

Ştab tafsilâtlıca ayttı ki, qaytarılğan insanlar arasında esir etilgen asker statusına saip olğan (183 insan) insanlar, habersiz ğayıp olğan sayılğan ve “qıdırılğan insan” statusına saip olğan (48 mudafaacı) ukrainalılar da bar edi. Halqara Qırımızı Haç Eyyeti, bu statusnı tasdıqladı. 

Dört ülkede olğan eñ büyük aynı zamanki esirlernen deñişme, 2022 senesi berim ayınıñ 22-sinde azat etilgen 215 qorçalayıcınıñ deñişmesi sayıla.

Aynı zamanda rusiye Mudafaa nazirligi haber berdi ki, qara qış ayınıñ 3-ünde Ukrainağa tolu miqyaslı tecavuzda iştirak etken 248 rus askeri qayatrıldı.