Ukraina qorçalayıcıları kününe hayırlav

14 Oktâbr 2022

Sayğılı vatandaşlar!

Askerler!

Ukrainanıñ devlet bayramı – oktâbr ayınıñ 14-ünde qayd etilgen Ukraina qorçalayıcıları künü Aziz Meryem Anasınıñ imayesi, Ukraina isyan ordusı künü ve Ukrain kazaklıq künü kibi başqa bayramlarnen aynı kün qayd etile.

Qırımtatar Milliy Meclisi, Ukraina devletiniñ mustaqilligini ve serbestligini silânen qorçalağan, rus silâlı tecavuzına cesaretli olaraq qarşı çıqqan ve devletimizniñ topraq bütünligini saqlağan erkekler ve qadınlarnı Ukraina qorçalayıcıları kününen hayırlay!

Ukrainanı mudafaa etken ve telükesizligini qorçalağan vatandaşlarımızğa ürmet ve şan-şeref bildiremiz, vaqtınca işğal etilgen Qırımdan kelgen, rus tecavuzcısına qarşı cenkleşken ve Qırımnı azat etmege tırışqan qorçalayıcılarımızğa ğururlanamız.

Ukrainanı qorçalağanda ayatını coyğan askerlerge şan-şeref olsun!

Ukrainağa şan-şeref olsun!

Qaramanlarğa şan-şeref olsun!

Refat Çubarov, 

Qırımtatar Milliy Meclisiniñ başı

2022 senesi oktâbr ayınıñ 14-ü

Kıyiv ş.