Ukraina diplomatik hızmetiniñ işçileri künü hayırlı olsun

22 Dekabr 2022

_{Foto: radiosvoboda.org}

Ürmetli diplomatlar ve Ukraina diplomatik müessiseleriniñ işçileri!

Qırımtatar Milliy Meclisi ve şahsen men, Diplomatik hızmetniñ işçileri kününen hayırlayım!

Doquz seneder devam etken rus-ukrain cenki şartlarında ukrain diplomatları mahsus ve soñ derecede müim missiya yapalar – rus tecavuzına ve moskvanıñ dünyanı uquqiy buhranğa ketirme ve insanlarnı umumiy tanınğan qıymetler ve qaidelerni yoq etme ıntıluvlarına qarşı çıqmaq içün halqara cemaatnı Ukraina devleti etrafında birleştireler.

Böylece, Ukrainanıñ rus duşmanı üstünde kelecek ğalebesinde ukrain diplomatlarınıñ issesi pek büyük.

Bunıñ içün Ukraina TİNniñ reberi, ecnebiy üklelerdeki Ukrainanıñ bütün diplomatik müessiseleriniñ diplomatları ve işçilerine, Qırımtatar Milliy Meclisinen vaqtınca işğal etilgen Qırımdaki vaziyetnen ve tamır qırımtatar haqlınıñ alınen bağlı meselelerde yaqın işdeşligi içün minnetdarlıq bildirem.

Er kesken Ukrainanıñ sıq ğalebesini, Ukraina devletiniñ topraq bütünliginiñ yañıdan pekitilmesini ve… 2023 senesi er sene Bağçasaray şeerinde Diplpmatik hızmetniñ işçileri kününi umumiy ukrain qayd etüvini tiyelim!

Ukrain diplomatlarına şañ-şerefler olsın!

Ukrainağa şañ-şerefler olsın!

Refat Çubarov,

Qırımtatar Milliy Meclisiniñ başı

2022 senesi dekabr ayınıñ 22-si