Üçünci devletlerde qırımlılar Ukrainağa qatuv şeadetnamesini ala bilirler

16 Noyabr 2022

Diger ülkelerge ketken, işğal etilgen Qırımnıñ sakinleri, Ukrainağa qaytuv şeadetnamesini uzaqtan ala bilirler. QırımSOSnıñ uquqçısı Anastasiya Kalinina bu aqqında haber berdi.

– Çet ülkelerde bulıunğan Ukraina vatandaşlarına Vatanına qaytuv şeadetnamesini almağa izin bergen ükümet qararı Ukrainada işlemege başladı. Bu, çet ülkelerge göñülli olaraq ya da zornen ketken ve kerekli vesiqalarğa saip olmağan Qırımnıñ sakinlerine Ukrainağa qaytmağa sadeleştire bilir, – dep Anastasiya Kalinina añlattı.

Bu tür şeadetname, vatandaşlarğa üçünci ülkeler (şu cümleden, Estoniya, Latviya, Livtaniya ve Gürcistan) vastasınen Ukrainağa qaytmağa izin berecek. Keçenlerde Ukrainanıñ konsullıq müessiselerinde ve diplomatik vekilliklerinde o alına bildi. Tolu miqyaslı tecavuzdan soñ olar rusiyede çalışmağa toqtadılar, o yerge de çoq Ukraina vatandaşı zornen ketirildi.

Şeadetname almaq içün Reintegratsiya nazirligine (1548 sıcaq hattına) hitap etmek kerek. 18 yaşından kiçik kişiniñ ana-babasından biri ya da başqa qanuniy vekili; evliler; 18 yaşına yetken balalar; qanlı qardaşlar şeadetnameni almağa hitap ete bilir.

Mezkür vesiqa bedava olaraq, 5 künge qadar yapılır.

Onıñ müddeti – 3 aydır.