Tış işleri nazirliginde rusiyeniñ kreml siyasiy mabüslerini azat etmesi içün halqara areket platformasınıñ Üçünci oturışı keçirildi

09 Dekabr 2022

Ukraina Tış işleri nazirliginde rusiye federatsiyasınıñ kreml siyasiy mabüslerini azat etmesi içün halqara areket platformasınıñ Üçünci oturışı keçirildi.

Ukraina halq mebusları, Ukraina Prezidentiniñ Qırım Muhtar Cumhuriyetindeki daimiy vekili, Ukraina Yuqarı Şurasınıñ insan aqları meseleleri vekili, Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ işçileri, Qırımtatar Milliy Meclisiniñ reberligi, siyasiy mabüslerniñ aqrabaları ve içtimaiy uquq qorçalayıcı teşkilâtlarınıñ vekilleri mezkğr tedbirde iştirak ettiler.

Meclisniñ başı qayd etti ki, Ukraina devletiniñ qırımtatar halqınıñ vekillik organınen sistema işdeşligine ihtiyac duyula.

–Esir etilgen askerlerniñ deñişmeleri, siyasiy mabüslerni azat etüv meselelerini al etken devlet akimiyeti organları, Qırımtatar Milliy Meclisi ve içtimaiy teşkilâtlarnen muntazam işdeşligini qayd etmek kerek. Bu da siyasiy mabüslerni azat etmege yönelişken qoşma halqara usullarnı öekmege imkân yaratacaq, – dep Refat Çubarov bildirdi.

Qırımtatar Milliy Meclisiniñ uquqiy meseleleri ve tış işleri idaresiniñ başı Eskender Bariev qayd etti ki, siyasiy mabüsler ve esir etilgen askerlerni farq etmek müimdir, çünki bu tamamınen faarlı statuslar ve neticesinde farqlı ususllar qulanılmalı.

– rusiyeniñ Ukrainağa qarşı silâlı tecavuzı başlağanda diqqatnıñ, insan aqlarını bozuv ceryanından cenk cinayetlerine çekilgenine baqmadan, Kreml siyasiy mabüslerini azat etüvge dair halqara advokat kampaniyalarını keçirmek kerek. Olarnıñ semereli olmaları içün üç esas şey kerek: haber bermek, usullar ve siyasiy mabüslerniñ ailelerine yardım etmektir, – dep Eskender Bariev qayd etti.