Ternopilde rf ordusına yardım etken Qırımnıñ sakinini maküm etecekler

17 Avgust 2023

Ternopil şeerinde rus askerlerine yardım etken Aqmescitniñ qadın sakinini maküm etecekler – о, 12 senelik üküm ala bilir. Vilâyet prokurorlığınıñ matbuat hızmeti bu aqqında haber berdi, dep Qırım.Aqiqat bildirdi.

Qayd etildi ki, 2022 senesi çiçek ayında ukrain vatandaşı uzun devamlı aşayt mahsulatını muntazam imal etilmesi, rf bölüklerine bermek içün arbiy urba ve aletler, ilâçlar ve başqa maddiy şeylerniñ toplanmasını tüzetti.

“İçtimaiy ağlardan birinde qadın, eñ az 4500 iştirakçinen bir gruppa yarattı. Tecavuzcı bir devletniñ vekilleri ve onñ silâlı şekillenmelerine bermek içün anda muntazam tarzda arbiy aletler, ilâçlar ve başqa yaşayış eşyalarnıñ toplanmasınen bağlı malümat yayınlay edi”, – dep bildirildi.

Ukraina Telükesizlik Hızmetiniñ bildirgenine köre qadın, kontrol etmegenimiz topraqlarda adliyeden saqlana ve qıdırılğan ilân etildi.