Siyasiy mabüs Arsen Abhayirov varikoz hastalığını çeke, amma onı tedaviylemeyler

22 Mayıs 2023

Maküm etilgen Qırımnıñ sakini Arsen Abhayirov qara qan damlarınıñ varkoz hastalığını çeke ve tişçiniñ yardımına ihtiyacı bar. Qırım.Aqiqat bu aqqında haber berdi.

Onıñ apayı bildirdi ki, aqayınıñ hastalığını tedaviylemeyler.

– Ayaqlarınıñ qara qan damlarınıñ varikozı çeke ve taqiqatçı izolâtorlarından berli tişçiniñ yardımına ihtiyacı bar. SİZOda tişçi hızmetleri bermegenleri içün şimdi tişlerni tedaviylemek mümkün olmay ve tek yolu – olarnı alıp çıqarmaqtır. Onıñ çaynav tişleri deyerli qalmadı, – dep Azize Abhayirova añlattı.

Bildirildi ki, müstemlekede tutuv şartları da varikoz hastalığını inkişaf ettireler. Tahminen 16 saat devamında Abahyirov ayaqta tura. 2023 senesi kiçik aydan berli memuriyet tarafından qırımtatar umumiy rejimge ketirilgen olsa da, kamerada tutuv şartları deñişmediler: saat altıda uyanuv, saat onda yuqlav.

Boş aynın 3-ünde rus Rostov-na-Donudaki Cenübiy bölge arbiy makemesi, qırmızı gvardiyanıñ “Hizb ut-Tahiri davası”nıñ üç iştirakçisini maküm etti: Rustem Emiruseinovğa ilk eki sene epishanede keçirecek soñ şiddetli rejimde 17 sene berdi. Arsen Ahbayirovğa ilk eki sene epishanede keçireceknen 13 sene berdi. Eskender Andulhanievni ise ilk eki sene epishanede keçireceknen 12 senege maküm etti.