Saylavlardan soñ Qırımda mobilizatsiya quvetleşe bilir, dep Bariiev ayttı

09 Fevral 2024

Qırımtatar Maaliy Merkeziniñ idaresiniñ başı Eskender Bariiev tüşüne ki, Rusiye prezidentiniñ saylavlarından soñ Ukrainanıñ işğal etilgen topraqlarında mobilizatsiyanen bağlı vaziyet daa beter olacaq. 

«Daa çoq insannıñ añlaşma imzalaması içün olar er şey yapalar, propaganda işini keçireler, topraq damartılarını bermege söz bereler. Fikrimce, prezident saylavlarından soñ bunı daa sert yapacaqlar», – dep Bariiev qayd etti.

Onıñ sözlerine köre, 2023 senesi olğanı kibi qırımtatarlarnıñ evlerine o qadar sıq mobilizatsiya şeadetnamelerini artıq ketirmeyler. QMMniñ idaresiniñ başı añlattı ki, menbalarınıñ malümatına köre, arman ayında Rusiye akimiyeti insanlarnı mobilizatsiya etmege başlattı, 3 biñ insannı mobilizatsiya etmege vazifesi bar edi.

Bariievniñ fikirince, Rusiye prezidentiniñ saylavlarından soñ Rusiye akimiyeti büyük mobilizatsiyanı başlata bilir, dep Qırım.Aqiqat bildirdi.

«Büyük ihtimalnen, planlaştırılğan Rusiye saylavları sebebinden bu esnas toqtatıldı. Amma qısmiy mobilizatsiya devam ete, dep bildirildi. Berim ayından başlap, keçkende Ukraina ya da Rusiye quvet müessiselerinde çalışqan, silâ tecribesine sap olğan bütün insanlarnı çoqça mobilizatsiya etmege tırışqanlar», – dep añlattı o.