Rusiyeniñ şimdiki sıñırlarında qalması, yañı cenkniñ sebebi ola bilir – Meclisniñ başı

06 Dekabr 2022

Qırımtatar Milliy Meclisiniñ başı Refat Çubarov bildirdi ki, Rusiyeniñ şimdiki sıñırlarında qalması, yañı cenkniñ sebebi ola bilir. Radio.Svoboda bu aqqında haber berdi.

– Rus-ukrain cenkiniñ bitirilmesi – tek Ukraina devletiniñ topraq bütünliginiñ teminatı degil. Bu, tek halqara cinayetçilernimaküm etüv ve cezalandıruv degil. Bu, tek reparatsiyalar degil. Eñ müim şey – kelecekte Rusiyeniñ daa bir tecavuzını yaratuv telükesini yoq etmektir. Keçkende Almaniyanen olğanı kibi şimdi Rusiyeni parçalamaq kerekligi yoq. Dünya ve Ukraina, öz topraqlarında yaşağan ve öz istegenine qarşı Rusiyeniñ terkibine qoşulğan Rusiyeniñ halqlarına şartlarnı yaratmaq ve imkânlarnı bermek kerek. Bu halqlarnıñ özüni tanıtuv aqqını qullanmaları içün, – dep Kıyiv telükesizlik forumı vaqtında qayd etti.

Çubarov inana ki, Rusiye şimdiki sıñırlarda mevcut olsa, cenk yañıdan başlaya bilir.

– 10, 15, 50 sene soñ, amma bu telüke yañıdan peyda olacaq, – dep Çubarov ayttı.

Şu anda rus tarafı, Refat Çubarovnıñ bu bildirüvini tefsir etmedi. Rusiyede milletlerniñ ve cumhuriyetlerniñ bölünmeleri, devletniñ topraq bütünligini bozuv maddesine mücibi qanun cinayeti olaraq sayıla – oña köre azamiy cezanıñ müddeti beş senedir.