Rusiye işğal etilgen Qırımdaki yañı yerden “Shahedler”lerni uçura

15 Dekabr 2023

Keçenlerde rus işğalcileri, Qırımdaki Balaklava rayonından eñ az 15 ücüm “Shahed” uçucısız aletini uçurdılar. Bu, Aqyardan cenüpte yerleşken yañı uçucısız aletler meydanıdır.

Х içtimaiy ağında britaniya istihbaratınıñ beyanatında bu malümat bildirildi.

Qayd etildi ki, ilk qış ayınıñ 5-inde rus resmiy insanları bildirdiler ki, 41 ukrain uçucısız aletiniñ Qırımdaki, Çauda burnundaki rus arbiy astyapısına ücümini yoq ettiler.

Qırımnıñ cenübiy şarqındaki Çauda burnu, 2023 senesi berim ayınıñ başından berli işğalciler tarafından qullanılğan belli “Shahed” meydançığıdır.

Britaniya istihbaratınıñ bildirgenine köre, şu anda Balaklava, Ukrainağa qarşı rus operatsiyalarında qullanılğan ve tasdıqlanğan beşinci uçucısız aletler meydançığıdır. Başqa belli olğan meydançıqlar arasında Çauda burnu, Yeysk, Primorsko-Ahtarsk ve Kursk.

Böylece, RF uçucısız aletlerini uçuruv qabiliyetini bir qaç yerge kenişlete. Öz askerleri ve tehnikasını qorçalamaq, Ukrainanıñ ava mudafaası içün iş qıyınlaştırmaq maqsadınen işğalciler bunı yapalar.

“Rusiye, Ukrainanı yañı sistema tranzit koridorlarına adaptatsiya etmege mecbur eterek, ukrain ücümlerine cevap olaraq daa çoq uçuruv meydançığını qullanacaq”, — dep bildirildi.