Rusiye 45 biñ Qırım sakinini ordusına mobilizatsiya etti

05 Fevral 2024

Rusiye, Qırım sakinlerini Ukrainağa qarşı tolu miqyaslı cenkte qullanmağa devam ete. İşğal etilgen topraqlarnıñ sakinlerini işğalcilerniñ silâlı quvetlerine mobilizatsiya ete. Bundan ğayrı, Qırımda RF SQde hızmet etmege qaçqan insanlarnı taqip etmege devam eteler. 2023 senesi öz netice nezaret eesabatında Qırım uquq qorçalayıcı gruppası böyle bilgiler yayınladı, değ Qırım Sesi haber berdi.

Cenk vaqtınca tınç yaşağan ealini qorçalav aqqında şartnameniñ 51. maddesine bianen, işğalci bir devlet, qorçalanğan insanlarnı öz silâlı ya da yardımcı quvetlerinde hızmet etmege mecbur etemez. Halqara cinaiy makemeniñ Roma şartnamesiniñ 8(2)(b)(xv) maddesine bianen, duşman tarafınıñ vatandaşlarınıñ istegine qarşı öz ülkesine qarşı cenkte iştirak etmege mecbur etemez. Bu, cenk cinayeti sayılır.

Faqat işğal akimiyeti qanunlarnı körmemezlikke ura. 2023 senesi Qırımda eki zoraki kampaniyası keçirildi. RF SQe baar mobilizatsiya kampaniyası vaqtında 300 Qırım sakini mobilizatsiya etildi, daa 2000 sakinini küz mobilizatsiya kampaniyasında çağıracaq ediler.

İşğal devrinde 18 mobilizatsiya kapmaniyası keçirildi ve RF silâlı quvetlerine eñ az 45 000 Qırım sakini mobilizatsiya etildi. Faqat QUQG bildirdi ki, mobilizatsiya etilgen insanlarnıñ sayısı tam doğru olmay, çünki Rusiye mobilizatsiya aqqında bilgilerni gizley.

Keçken sene Qırımda RF silâlı quvetlerinde hızmet etmege qaçınğan insanlarnı taqip ettiler: eñ az 73 yañı cinaiy dava açıldı. Olarğa köre para cezası (15-50 biñ ruble) berildi. İşğal devrinde QUQG, eñ az 502 böyle dava qayd etti.