Rus quvetçileri 21 yaşındaki qırımtatar qızınıñ evini tinttiler

12 Oktâbr 2023

Ekim ayınıñ 12-siniñ sabasında rus quvetçileri, Aqmescit rayonındaki Terek Eli köyünde yaşağan 21 yaşındaki qırımtatar Lütfiye Veliyevanı tuttılar.

Bir qaç saat içinde onı soratqan soñ FSB binasından yiberdiler, dep “Qırım birdemligi” Qırım.Aqiqatqa haber berdi.

Faalcilerniñ bilgilerine köre, Veliyeva babasınen beraber FSB binasından çıqqan.

Advokat Edem Semedlyaev haber berdi ki, saba maalinde üç mikroavtobusnen kelgen silânen OMON işçisi aileni uyandırdı. Qıznıñ iç bir şeyi alıp çıqarmadılar, amma cep telefonını qıdıra ediler. Tintüv vaqtında onı tapmadılar.

Birazdan advokatnıñ añlatqanına köre, keçkende evini endi tinttiler, amma başqa organlar – Aşırıcılıqqa qarlılıq merkezinden rus politsiyasınıñ işçileri.

Teşkerüv çerçivesinde evini tinttiler – sanki “Vkontakte” içtimaiy ağında Veliyeva, RF silâlı quvetlerini itibardan tüşürgen edi.