Rus ordusına ücümlerden soñ Qırımda qırımtatarlarnı tintmege ve tevqif etmege başladılar – Çubarov

03 Oktâbr 2023

İşğal etilgen yarımadadaki patlamlarda soñ Qırımda işğal quvetleri, qırımtatarlarnı tintmege ve tutmağa başladılar. 

Böylece işğalciler, cemaat üzerinde kontrol tutmağa tırışalar ve bunı yapmaq içün repressiyalarnıñ küçüni arttıralar. Radio Svobodanıñ canlı yayınında Qırımtatar Milliy Meclisiniñ başı Refat Çubarov bunı bildirdi.

“Biz kördik ki, rus işğal ordusı içün büyük ğayıplarnen kütleviy ücümlerden soñ kütlevit tintüvler keçirilir ve qırımtatarlar tutulır. Keçken sene Saq yanında Novofedorivkada uçaq limanında arbiy uçaqlar yoq etilgen soñ da böyle vaqia oldı. Bir kün soñ Canköy rayonında büyük silâ yedegi yoq etildi ve o zaman bütün Canköy rayonında qırımtatarlarnıñ evleri kütleviy şekilde tintildi. Altı insan tutuldı”, – dep añlattı o.

Aqyardaki Qaradeñiz flotunıñ ştabını ücüm etken soñ işğalciler, ukrain mahsus hızmetleriniñ ücümlerini sanki idare etken insanlarnı qıdıra ediler, dep Çubarov qayd etti:

“Keçenlerde Aqyardaki Qaradeñiz flotunıñ ştabı patlanğan soñ olar, ukrain mahsus hızmetleriniñ bu obyektke ücümlerini idare etken insanlarnı qıdırmağa başladılar ve yañıdan qırımtatarlarnıñ evlerini tinttiler. Aqmescit-Bağçasaray yolunda demiryol patlanğan soñ da böyle oldı. Neticesinde, vatandaşlar, er bir arbiy akt ve arbiy obyektkerniñ mahv etilmesini duyalar. Amma insanlar bunı añlaylar, çünki bu, rus işğalcileriniñ cemaat üzerinde kontrol tutmağa tırışqanları mehanizmlerden biridir ve olar içün bu, repressiyalarnıñ küçüni arttıruv usulıdır”.