Rus makemesi Jamalanı ğıyabiy şekilde tevqif etti

29 Noyabr 2023

Moskvadaki makeme, rus ordusı aqqında sahte malümat yayınlağanı sebebiden ukrain ve qırımtatar yırcısı Jamalanı (Susana Jamaladinova) ğıyabiy şekilde tevqif etti.

Moskva prokurorlığı bu aqqında haber berdi, dep TASS bildirdi. Suspilne bunı añlattı. 

Bundan ğayrı, Jamala haqlara qıdıruv cedveline kirsetildi.

“Jamaladinovağa dair tevqif kibi qorçalayıcı tedbir ğıyabiy şekilde saylandı. Haqlara qıdıruv cedveline kirsetilgen ve qabaatlanğan qadın mecvut olmağanı sebebinden davanı baqmaq içün cinaiy dava Basman rayon mahkemesine yollanacaq”, — dep bildirildi.

Rus taqiqatçılarınıñ bilgilerine köre, 2022 senesi çiçek ayınıñ 4-ünde içtimaiy ağda öz saifesinde Jamala, “mahsus arbiy operatsiya” vaqtında rus ordusınıñ areketleri aqqında sahte malümatnen añlı tarzda paylaştı. 

Hatırlatamız ki, Moskvanıñ yırcını taqip etkeni birinci kere olmay. 2023 senesi boş aynın 20-sinde Rusiye federatsiyası İçeri işler nazirligi Jamalanı qıdırmağa bildirdi, 2022 senesi çiçek ayında ise Jamala Rusiyege 50 senege ketmege yasaqlanğan ukrain artistleri cedveline kirsetildi.