Rus makemesi “ekinci Aqyar gruppası”nıñ iştirakçilerine üküm çıqardı

31 Mayıs 2023

Rostov-na-Donudaki Cenübiy bölge arbiy makemesi, “qırım musulmanları” davasınıñ iştirakçileri olğan Rustem Murasov, Cebbar Bekirov, Zavur Abdullayev ve Rustem Tayirovğa ümük çıqardı. Qırım.Aqiqat bunı yazdı.

“Hizb ut-Tahrirniñ ekinci Aqyar gruppası” davasına mücibi, maküm etilgen er kes tevqif etildi. Bekirovnı 17 senege, başqalarını şiddetli rejimli müstemlekede 12 senege maküm etti. İlk 4 sene epishanede keçirecekler.

– Sabepsiz, qanunsız üküm, bu insanlar cinayetçiler degiller, olarnıñ yapqanları şey tamamınen yahşılıqtır, olar başqa ailelerge yardım ete ediler, destek ete ediler, olarnıñ öz nazar noqtası bar edi, olarnıñ öz dini bar edi, – dep advokat Emil Kurbedinov qayd etti.

2021 senesi arman ayınıñ 7-sinde aynı zamanda Qırımda rus quvetçileri, qırımtatalarnıñ beş evini tinttiler, bundan soñ faalciler Rustem Murasov ve Rustem Tayirov, Aqyar şeeriniñ Balaklava rayonında Cebbar Bekirovnı, Bağçasaray rayonında faalci Zavur Abdullayev, Qırımnıñ Aqmescit rayonında ise Rayif Fevziyevni tuttılar.