Rostov-na-Donu ve Qırım arasında işğalciler demiryol ağını quralar

06 Noyabr 2023

Rostov-na-Donu ve işğal etilgen Qırım arasında zapt etilgen Donetsk tarafında demiryol ağını qurmağa başladılar. O, Zaporijjâ vilâyetiniñ işğal etilgen topraqlarında da olacaq.

Zaporijjâ vilâyetiniñ işğal gubernatorı Yevhen Balıtskıtqa atıf eterek, Suspilne Qırım bu aqqında haber berdi.

“Qurucılığı Donetsk tarafında başlayan ekinci leyha, Yakımvkadan Rostovğa Berdânsk ve Mariupoldan keçecek. Bu leyha endi başlatıldı. Yakımivka Melitopoldan aşağıda ve cenübiy ğarpta yerleşe. Bu, demiryol ağıdır, o yerden qurucılıq başlaycaq”, — dep qayd etti o.

Balıtskıynıñ añlatqanına köre bu, demiryol naqliyatını USQniñ ateşlerinden qorumağa imkân berecek.

“Elektriksiz bile tek bir çığır, demiryol ağını qurıp, askerlerniñ vazifesini al etecekmiz. Ve eñ esas şey, qıtağa ubatat ve demir ham madeni, bozuk demir, kömür ve bugün büyük topraqnen bağlanmalı olğan çoq qısımnı ketirüv meselesini al etecektir”, – dep Zaporijjâ vilâyetindeki RF işğal memuriyetiniñ başı añlattı.

Bundan ğayrı o qoştı ki, Qırım köpründen ketmek telükeli oldı, o “soñ derecede telükeli obyek”tir.