Refat Çubarov, Qırımnıñ sakinlerini yarımadadaki ola bilecek cenkke azırlanmağa çağıra

04 Avgust 2023

Qırımtatar Milliy Meclisiniñ başı Refat Çubarov, yarımadadaki ola bilecek cenk şartında telükesizlikni temin etmek içün Qırımnıñ sakinlerini vastalarnı evelden azırlanmağa çağırdı. Keçenlerde Qırımdaki patlamalarnı tefsir etkende o qayd etti ki, onı çeşit-türlü yollarnen azat ete bilirler, dep Qırım.Aqiqat yazdı.

Er şey, insanlarğa Qırımnıñ azat etilüvini beklemek kerek olğanını köstere. Er kes, Qırımnıñ cebe toprağı olğanını añlay. Bunı aytıp, Qırımnıñ azat etilüvine azır olsunlar deymiz, özüniñ, tuvğanlarınıñ telükesizligini temin etmek içün vastalarnı azırlasınlar, dep aytamız, – dep añlattı.

Refat Çubarov qoştı ki, şu anda Qırımğa ketken insanlarnıñ sayısı çoq azladı, ve yarımadanıñ topraqlarında taşınılmaz mülkni alğan ya da qurucılıqqa para bergen insanlar yoq. Aksine de, Meclisniñ başı tüşüne ki, taşınılmaz mülkniñ alınmasına teklif çoq arttı.

İşğal akimiyeti episini gizlemege tırışa. Patlamalar, ücümler ceetinden olğan er şeyni. Amma şu anda zemaneviy tehnologiyalar ve tehnika bar. Olar malümatnı bir-eki künge toqtata bilseler de, yoldaştan fotosuretler yayınlanır, – dep aytı.