Refat Çubarov BMTnıñ 77. Baş Assambleyasınıñ işinde iştirak etmek içün Ukrainanıñ delegatsiyasınıñ terkibine kirsetildi

20 Sentâbr 2022

Prezident Volodımır Zelenskıy BMTnıñ 77. Baş Assambleyasınıñ işinde iştirak etmek içün Ukrainanıñ delegatsiyasınıñ terkibini tasdıqladı. Prezidentniñ Ofisiniñ saytında maqbul qarar yayınlandı.

Ukraina tış işler naziri Dmıtro Kuleba delegatsiyanıñ başı, Birleşken Milletler Teşkilâtındeki Ukrainanıñ daimiy vekili Serhiy Kıslıtsâ delegatsiyanıñ başınıñ muavini oldılar.

Delegatsiyanıñ terkibine tış işler naziriniñ ilk muavini Emine Caparova, baş prokuror Andriy Kostin, Yuqarı Şurasınıñ tış siyaset meseleleri eyyetiniñ başı Oleksandr Merejko, Meclisniñ başı Refat Çubarov kirsetildi.

Prezidentniñ Ofisiniñ tış siyaset direktoratınıñ tış siyasiy faaliyet meseleleri baş idaresiniñ reberi Yuriy Vitrenko, TİNniñ Halqara teşkilâtlar departamentiniñ müdiri Valentın Skuratovskıy ve Qırım MCdeki Prezidentniñ daimiy vekili Tamila Taşeva delegatsiyanıñ azalarınıñ muavinleri oldılar.