Refat Çubarov: Biz mustqilligimiz ve suverenitetimiz içün cenkleşkence bizge yardım etecekler

12 Iyül 2023

Vilnüste NATOnıñ sammitiniñ Netice komünikesiniñ metninen tanış oldım.

Bu vesiqanen alâ daa tanış olmağan, amma tünevin keçirilgen NATOnıñ azası olğan ülkelerniñ başlarınıñ sammitiniñ neticelerini tefsir etmege istegen insanlarğa birinciden men, mezkün vesiqanı oqumağa tevsiye etem.

Menimce, NATOnıñ azası olğan ülkeler, NATOnıñ azası olğan ülkeler, çağıruvlarnıñ şekillenmesine ve zemaneviy dünyanıñ inkişafınıñ hususiyetlerine umumen kompleksli yanaşmasını kösterdiler, bu da pek müim, olarnı al etmek içün usullar ve yollarnı añlattılar. Añlaşılıq ki, tafsilâtlarsız, çünki bu vesiqa içün kerekmey.

Vesiqa büyüktir, amma bu tür üslüp içün pek açıq-aydındır. Diplomatiya qaideleri müelliflerni qıymetleri ve tasvirlemelerinde özlerini tutmağa mecbur olğan vaqialarda da açıq-aydındır. 

Faqat moskva bataqlıqlarında uzun devamlı tarzda uluycaqlar ve vıyıldaycaqlar: kreml, bu vesiqada özüni öldürtici aletleri ve usullarını körmeyemez. Çünki komünikede de mevcut olğan çağıuvlarğa baqmadan moskva, halqara uquqqa qaytmaycaq ve Ukrainanıñ topraqlarından ordusını çıqarmaycaqtır.

Bizler, Ukraina aqqında ise…

Mında men Komünikeniñ 10. noqtasını alınma yapayım (ihtisassız tercime):

«10. Öz  halıq ve topraqları, bizim orta qıymetlerimizni qaramance qorçalağanda biz, Ukrainanıñ ükümeti ve halqınen azimkâr birdemligimizni tasdıqlaymız. Biz, BMTnıñ Nizamnamesiniñ 51. maddesinde qayd etilgen ayırılmaz Ukrainanıñ özüni mudaafaa aqqını tamamınen tanıymız. Keçkende kibi biz, kelecekte Ukrainanıñ siyasiy ve ameliy destegini quvetleştirmege razımız, çünki o, öz mustqilligi ve suvereniteti, halqara olaraq tanınğan sıñırları çerçivesinde topraq bütünligini qorçalamağa devam ete, ve kerekli olğance bizim destegimizni devam etecekmiz. Ukrainanı destek etken bütün ittifaqdaşlar ve ortaqlarnıñ ğayretlerine minnetdarmız».

Skeptiklerniñ bu tek sözler dep fışıldamağa bitirmeleri içün mında men şunı rizam eter edim…

Birinciden menim içün şu sözler eñ müim olğan nazar noqtam: “Keçkende kibi biz, kelecekte Ukrainanıñ siyasiy ve ameliy destegini quvetleştirmege razımız, çünki o, öz mustqilligi ve suvereniteti, halqara olaraq tanınğan sıñırları çerçivesinde topraq bütünligini qorçalamağa devam ete, ve kerekli olğance bizim destegimizni devam etecekmiz”. 

Razı oluñız ki, 2022 senesi kiçik aynıñ 24-ünden berli bu inandırıcı sözler arbiy, iqtisadiy ve başq saalarda yardım şekillerinde temin etilir. Onıñ miqdarı da çoqlaşa. 

Ekinciden başqa saalarda birdemlik kibi Ukrainağa berilgen arbiy ve maliyeviy yardım devam etecektir. Vesiqada bildirildi ki, “kerekli olğance”.

Ve mında biz eñ esas sözlerge yaqınlaşamız: NATOnıñ şimdiki azalarından biriniñ bu “kerekli olğance” yanaşmanı asla şübe etmemesi içün biz epimiz añlamalımız ki, müimligine baqmadan alınma etkenim noqta, vesiqanıñ başqa qısımlarınen birleştirilgendir, anda serbest  dünya içün başqa, amma müim qaideler qayd etildi.

Böylece, bu, şunı yapamız, şu aqqında ise tüşüneyik, dep ayta bilgenizim bir vaqia olmay…

Bunıñ içün tamamınen aşkâr olğan şeylerni sözlerge yaratmaq kerekligi yoq: öz mustaqilligi ve suverenitetimiz içün cenkleşkence bizge yardım eteceklerdir.

Amma tek cebede degil…

Böylece, USQ ve Ukrainanıñ başqa Mudafaa quvetleriniñ şekillenmeleri rus tecavuzınen cenkleşkende ukrain cemaatınıñ bütün başqa saaları ülkeniñ inkişafını, Ukrainanı NATO ve ABe kirişini temin etecek standartlarğa arttırmaq lâzim.

Soñunda avropa-atlantik yönelişinde Ukrainanıñ mevzilerini quvetlendirmek içün mümkün olğan bütün aletler ve usullarnı qullanmağa ıntılğan ukrain akimiyeti aqqında da merametli sözler aytmaq lâzim.

Eminim ki, kelecekte muvafaqiyetli olacaqmız.

Ve rus varvarlarını yeñecekmiz.

Refat Çubarov.