Qırımtatarlar Ukrainanıñ terkibinde Avropağa kirmege isteyler – Jumadilov

29 Mayıs 2023

Qırımnıñ kelecegi aqqında platformasınıñ, “Bozarğan aynıñ 26-sınıñ teşebbüsi”niñ teşkilcilerinden biri olğan Arsen Jumadilov, qırımtatarlarnıñ muhtariyet ne içün tanınma işareti olaraq kerek olğanını añlattı. Aynı zamanda qırımtatarlarnıñ maqsadı – Ukrainanıñ terkibinde tamamınen Avropağa kirmektir.

“Serbest cemaat içün sağlıqlı qararlar” Lviv mediaforumınıñ netice panelinde bunı ayttı, dep Ukrinform haber berdi.

– Biz, Ukrainanıñ yaqın kelecekte ABe, NATOğa, bütün merkezleştirilgen dünyağa qatılacağını köremiz. Menim miiletimniñ bu tarihnnıñ parçası olmasını ister edim. Bu güzel bir tarihtır, – dep Jumadilov ayttı.

Bundan ğayrı o, ukrainalılarnıñ tolerantlığını, “başqalarına”, kiçiklerge nasıl tutqanlarını qayd etti. rusiyede bir-birine toleratsız tutuvğa köre bu pek farqlana.

Mayıs ayınıñ 25-27 künleri Lviv mediaforumı keçirildi. Tedbir, yañartılğan formatta yapıldı, ecnebiy ve ukrain media ihtisasları, halq ögündeki intelektçılar, araştırmacılar, siyaset çıqarıcıları, cemaatnıñ temsilcileri ve halqara teşkilâtlarnıñ vekillerini topladı. Fokus mevzusı, “Cenkten soñ ya da cenkten evel. Medeniyet haosnı nasıl yeñe bilir?” edi.

“Bozarğan aynıñ 26-sınıñ teşebbüsi” – 2022 senesi bozarğan aynıñ 26-sında Alim Alimov, Emine Ceppar, Arsen Jumadilov, Süleyman Mamutov, Sevğil Musaeva, Ahtem Seitablaev, Tamila Taşeva tarafından teşkil etilgen Qırımnıñ kelecegi aqqında platformadır.