Qırımtatar tili milliy korpusınıñ mütehassısları 700 metinden çoq işlediler

27 March 2023

Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ teşebbüs etkeni Qırımtatar tili milliy korusını yaratqan vaqıt mütehassıslar endi 700 metinden çoq işlediler.

ReNazirliginiñ matbuat merkezi bu aqqında haber berdi.

– 2022 senesi ekim ayında basılğan ve elektron metinlerni Sketch Engine platformasına yüklendirmek içün toplamağa başladılar. Deyerli yarım sene devamında katalogğa 700 metinden çoq işlendi ve kirsetildi. Olar arasında – qırımtatar müellifleriniñ eserleri, mecmualar, gazeteler, kitaplar, halqara teşkilâtlarnıñ vesiqaları, filmlerniñ subtitleri v.i., – beyanatta yazıldı.

Bildirildi ki, bu vaqıt devamında lemmatizatsiya luğatı tizildi – laf, başlanğıç şeklinen ve til hususiyetlerinen sözler sicilni (bilgiler bazası) yaratuv aqqındadır. O da, online platformada söz qıdıruv modulini işletmek içün kerek.

Maqbul programma teminatınıñ azırlanması devam ete.

2022-2032 ss. Qırımtatar tili inkişaf strategiyasınıñ çerçivesinde ReNazirligi, Qırımtatar tili milliy korpusı (MQTK) yaratmağa teşebbüs etti. Qırımtatar tili milliy korpusı – til araştırmaq içün qırımtatar tilinde metin malümatları esasında işleycek online bir platformadır.