Qırımtatar Milliy Meclisiniñ oturışı keçirildi (Vesiqa)

14 Dekabr 2022

2022 senesi dekabr ayının 12-sinde Qırımtatar Milliy Meclisiniñ oturışı keçirildi. Anda qırımtatar halqını temsil etken yuqarı vekilli-icra organınıñ şimdiki faaliyeti muzakere etildi ve 2023 senesi yanvar – iyün içün Meclisniñ esas tedbirler planına kirsetilecek esas tebirler tayinlendi.

Qırımtatar Milliy Meclisi azalarınıñ rey bergenleri mevzulardan biri Meclisniñ azası Asan ALİYEVniñ unvan alınması qararı oldı.

Qırımtatar Milliy Meclisiniñ azaları, 2022 senesi fevral ayınıñ 24-ünden soñ Asan ALİYEVniñ yapqanı cemiyet ögendeki bildirüvleri ve arekerlerini, Qırımtatar halqınıñ Qurultayınıñ vekili statusına uyğun olmağan ve Herson vilâyetiniñ topraqlarında rus işğal akimiyetinen göñülli işdeşliginiñ delili olaraq tanıdı.

Qırımtatar Milliy Meclisiniñ azasına işançsızlıq beyanınıñ ve yañıdan saylanmasınıñ qırımtatar halqınıñ Qurultayınıñ salâhiyetleri arasındadır. Faqat Qırımnıñ işğali sebebinden qırımtatar halqınıñ Qurultayınıñ toplanması imkânsız olğanı içün Qırımtatar Milliy Meclisiniñ azaları, Asan ALİYEVniñ vekâletiniñ alınması qararını rey birliginen berdiler.

Aynı zamanda Qırımtatar Milliy Meclisiniñ azaları, Ukraina Baş prıkurorlığına ve Ukraina Telükesizlik hızmetine, qaidelerge uyğun olğan ve ukrain qanunlarında espqa alınğan yol-yoruqqa köre Asan ALİYEVniñ işdeşlikçi faaaliyeti içün cinaiy dava açmağa hitap etti.

Qırımtatar Milliy Meclisiniñ qararınıñ kopiyası ilâve itile