Qırımtatar halqınıñ lideri Mustafa Cemilev 80. doğğan kününi qayd ete

13 Noyabr 2023

Bugün boş aynıñ 13-ünde bütün dünyada belli olğan uquq imayeci, soviet lagerleriniñ çoq seneli siyasiy mabüsi, mustaqil Ukraina devletiniñ devlet ve siyasiy erbabı, Ukraina Yuqarı Şurasınıñ III – IX saylavlarınıñ halq mebusı, 1991 – 2013 seneleri Qırımtatar Milliy Meclisiniñ başı, qırımtatar halqınıñ lideri Mustafa CEMİLEV 80. doğğan kününi qayd ete.

1943 senesi boş aynıñ 13-ünde Ay Sezer köyünde doğğan Mustafa CEMİLEV, 1944 senesi mayıs ayınıñ 18-inde Qırımdan tamır qırımtatar halqınıñ sürgünligi neticesinde altı yaşında ecnebiy ülkede oldı.

Yaşlıq seneleri Mustafa CEMİLEV, qırımtatar milliy areketine qatıldı. Onıñ iştirakçileri, halqnıñ öz Vatanına – Qırımğa qaytamaq aqqına küreşken ediler.

1969 senesi Mustafa CEMİLEV, SBde ilk mustaqil içtimaiy teşkilât olğan “Soviet Briliginde insan aqlarını qorçalayıcı teşebbüs gruppası”nıñ teşkilçilerinden biri oldı. Birazdan onıñ 15 azasından 11-i tevqif etildi ve farqlı müddetlerge maküm etildi.

Soviet Birliginiñ kommunistik rejiminen qırımtatar halqınıñ ve başqa esir etilgen halqlarnıñ aqlarını ve insan aqlarını qaytarmağa fedakâr ve açıq aydın şekilde küreşken Mustafa CEMİLEV çoq kere tevqif etildi ve makeme taqiplerini yaşadı. Qırımtatar milliy areketinde ve Soviet Birligindeki uquq qorçalayıcı arekette iştiraki sebebinden Mustafa CEMİLEV umumen 14 senege maküm etildi ve 4 senege sürgün etildi.

Halqlarnıñ aqlarını ve insan aqlarını qorçalağan Mustafa Cemilevniñ köstergeni cesaret ve fedakârlıq, Vatanına – Qırımğa qaytarmaq maqsadınen zorbacısızlıq usullarınen qırımtatar halqınıñ küreşiniñ birleşmesiniñ sebebi oldı.

Rus ordusınıñ Ukrainanıñ toptaqlarına tecavuzı ve 2014 senesi Qırımnıñ işğalinen başlağan rus-ukrain cenki şartlarında Mustafa CEMİLEVniñ haqlara işdeşlikniñ birleşmesine issesi büyüktir. Onıñ yardımınen halqara cemaat, Ukrainanıñ topraq bütünligini destek ete ve rus tecavuzcısıne qarşılıq köstermege yardım ete. 

Şübesiz Mustafa CEMİLEV qırımtatar halqınıñ lideri, siyasyetçi, Ukrainada ve dünya siyasetinde belli ve ümetli bir insandır.

Mustafa CEMİLEV 80. doğğan kününi rusiyeniñ Ukrainağa qarşı tecavuzı, Qırım, Herson, Zaporijjâ, Donetsk ve Luhansk vilâyetleriniñ topraqlarınıñ işğali şartlarında qayd etkenine baqmadan çoq vatandaşımız, ukrain ve dünya siyasetçisi, qırımtatar ve ukrain diasporasınıñ vekili, cesür ukrain askeri Mustafa CEMİLEVni hayırlamağa istey. ve biz bilemiz ki, açıq olğanı, insanlarğa sıñırsız inanma ve sevgisi sebebinden Mustafa ağa olarğa şahsen cevap bermege tırışacaq.

Qırımtatar Milliy Meclisi, rus ordusı tarafından işğal etilgen Qırımda yaşağan ve qırımtatar halqınıñ liderini şahsen hayırlap olmağan yüz biñlerce vatandaşnen beraber Mustafa ağanı 80. doğğan kününen hayırlar.

Mustafa ağa, bütün qırımtatarlarnı ve Ukrain vatandaşlarını birleştirgen tilek te bellidir – Qırımnı rus işğalcilerinden eñ tez şekilde azat etsinler.

Şübemiz yoq ki, Ukraina Silâlı Quvetlerimiz ve Ukrainanıñ Mudafaa quvetleriniñ başqa şekillenmeleri, rus işğalci şartlarında cenkleşken er kes yardımınen Qırımnıñ azat etilmesi yaqınlaşa.

Doğğan künüñiz hayırlı olsun, Mustafa ağa!

Rus işğalcilerinden azat etilecek Qırımda kelecek doğğan künleriñizni qayd etiñiz, İnşallah!

Refat Çubarov

Qırımtatar Milliy Meclisiniñ başı

Qırımtatar Milliy Meclisiniñ azaları

Kıyiv, 2023 senesi boş aynıñ 13-ü.