Qırımtatar halqı Meclisi ve Teftiş komissiyasınıñ yañı erkânı saylandı

27 oktâbr künü aqşam saat doquzda Qırımtatar halqı Meclisi ve Teftiş komissiyasınıñ azalarını saylav boyunca gizli rey berüv protsedurası başlandı.

Meclis ve Teftiş komissiyası azalarına namzetlerni kösterüv neticelerine köre Esap komissiyası Meclis azalığına namzetlerniñ 57 adamdan ve Teftiş komissiyası azalığına 16 kişiden ibaret cedvelini seslendirdi.

Delegatlar teklif etilgen cedvellerni tasdiqlap, gizli rey berüv protsedurasını başladılar.

Gece saat 23-te esap komissiyası reylerni saymaq içün çekildiler.

Oktâbr 28 künü saba saat 8.30-da Meclis azalarını ve Teftiş komissiyası azalarını saylav boyunca Esap komissiyası gizli rey berüvniñ neticelerini seslendirdi.

Esap komissiyasınıñ reisi Abibe Sidorova bildirgenine köre Mecliske saylandılar:

1 Ablayev Emirali

2 Avamileva Emine

3 Acimambetov Ayder

4 Akiyev Dilâver

5 Aliyev Asan

6 Bariyev Eskender

7 Bekirova Gülnara

8 Gafarov Teyfuk

9 Celâlov Nariman

10 İlyasov Remzi

11 Kaybullayev Şevket

12 Kürtiyev Enver

13 Mamutov Bekir

14 Mauşev Mustafa

15 Ömer Aslan Kırımlı

16 Osmanov Kadır

17 Sayitablayev Refat

18 Seytgaziyeva Dinara

19 Smirnov Zaur

20 Suleymanov Abmecit

21 Tabah Sadıh

22 Ümerov İlmi

23 Hamzin Ali

24 Çegertma İbraim

25 Çiygoz Ahtem

26 Şevkiyev Riza

27 Egiz Abduraman

28 Yüksel Gayana

29 Yunusov Lemmar

30 Yagyayev Seydamet

31 Yakubov Zeynur

32 Yakubov Ruslan


Qurultaynıñ Teftiş komissiyasına saylandılar:

1 Dudakov Edem

2 Memetov Refat Hudus öglı

3 Muratov Remzi

4 Özenbaş Ali

5 Reşitov Aziz

6 Suleymanov Talât

7 Ümerov Emirasan


Meclis reisi Refat Çubarov Esap komissiyalarınıñ azalarına Qurultay 1-nci sessiyası künleri yaptıqları işleri içün teşekkür bildirip, Meclis ve Teftiş komissiyasınıñ yañı azalarını hayırladı.

Bunıñ kibi de o, oktâbr 31 künü Meclisniñ birinci toplaşuvı keçirilip, onda Meclis hızmetleri, bölük ve idareleri şekillenecegini bildirdi. Özüniñ birinci muavini ve muavinlerini tayinlevge dair qararını Refat Çubarov Reglament ve Meclis aqqında Nizamnamege köre alacaq.

R. Çubarovnıñ söylegenine köre noyabr 1 – cuma künü Bağçasarayda Hancamide cuma namazından soñ Meclisniñ yañı erkânı öz vazifesine başlamasınıñ tantanalı merasimi ötkerilecek.

Tantanalı tedbirge evelki çağırılış Qurultayınıñ delegatları tarafından saylanğan Meclis azaları, bunıñ kibi de VI çağırılış Qurultayınıñ delegatları da davet etildiler.

Qırımtatar halqı VI çağırılış Qurultayı Qırımtatar halqı VI çağırılış Qurultayı Teftiş komissiyasınıñ reisi olaraq birinci toplaşuvda Teftiş komissiya azaları tarafından saylanğan Ali Özenbaşnı reis olaraq tasdiqladı/.

2013 senesi oktâbr 28 künü VI çağırılış Qurultayınıñ 1-nci sessiyası öz işini yekünledi