Qırımnıñ işğaline qarşılıq kününe Ukraina Ükümeti tedbirlerni tasdıqladı

04 Dekabr 2023

Ukrain ükümeti, 2024 senesi kiçik aynıñ 26-sında qayd etilecek Qırım MC ve Aqyar şeeriniñ işğaline qarşılıq kününe bağışlanğan tedbirler planını tasdıqladı.

Ukraina Medeniyet ve malümat siyaseti nazirliginiñ matbuat hızmeti bu aqqında haber berdi, dep Suspilne bildirdi.

“Aktnıñ maqsadı, vaqtınca işğal etilgen Qırımda ve Aqyarda yaşağan ve Ukrainanın topraq bütünligini qorçalağan ukrainalılarnıñ cesareti ve qaramanlığını ürmetini köstermektir”, — dep bildirildi.

Bu plana köre Ukraina boyunca oquv yurtları, kitaphaneler, sergi zallarında mevzulı tedbirler keçirilecek. Şu cümleden, anda qırımtatar halqınıñ vekilleri ve Qırımdan köçip kelgen insanlarnen körüşecekler, edebiy ve vesiqalı mevzulı filmlerni kösterecekler, ilmi ve ameliy könferentsiyalarnı keçirecekler. Anda mütehassıslar, Rusiye tarafından yarımadanıñ işğaliniñ neticelerini yoq etici yolları qıdıracaqlar.

Bundan başqa, ükümet “Serbest Qırımğa mektüpler” aktsiyasını planlaştırdı. İşğalciler tarafından yarımada ve RF topraqlarındaki apishanelerge oturtılğan qırım siyasiy mabüslerine mektüplerni toplaycaqlar.