Qırımda siyasiy mabüs Cemil Ğafarov defin etildi

15 Fevral 2023

Qırımda yüzlerce insan, rus esirliginde ölgen siyasiy mabüs Cemil Ğafarovnen vedalaşmağa keldi. “Qırım birdemligi” içtimaiy birleşmesi bu aqqında haber berdi.

Aqmescit rayonındaki Strohonivka köyünde Ğafarov defin etildi. Qırımnıñ çeşitli rayonlarından tahminen 600 kişi siyasiy mabüsnen vedalaşmağa keldi.

Kiçik aynıñ 10-unda belli oldı ki, rusiyedeki Novoçerkask şeerindeki SİZOda qırım musulmanları davasında 13 senege maküm etilgen qırımtatar Cemil Ğafarov öldi. Bu sene qara qış ayınıñ 11-inde rus makemesi üküm çıqardı.

2017 senesi cinaiy dava açılmadan evel Ğafarov, ciddiy miokard infarktını keçirdi. Aynı sene ekimler oña büyreklerniñ süzüv bozmasınen hronik büyrek kimligi diagnoz qoydılar. Siyasiy mabüsniñ muntazam büyreklerniñ dializine ihtiyacı bar edi. Amma SİZOnıñ şartlarında onı keçirmek imkânsızdır.